არჩევნები
არლის თემში ამომრჩეველთა რაოდენობა ზუსტდება
ადიგენში, #3 უბნის ამომრჩეველს სამი დღე რჩება, რომ სიაში საკუთარი თავი გადაამოწმოს და ხარვეზის შემთხვევაში საოლქო საარჩევნო კომისიას განცხადებით მიმართოს. საარჩევნო კოდექსის მიხედვით, ამომრჩეველთა ერთიან სიაში ცვლილების შეტანა შესაძლებელია არჩევნებამდე 19 დღით ადრე.
ამ ეტაპზე, არლის თემში 1 461 ამომრჩეველია რეგისტრირებული.
"რაოდენობა კიდევ დაზუსტდება. ეს არის საჯარო ვერსიისთვის განკუთვნილი სია, რომელიც უბანზეა გამოკრული. ამომრჩეველს შეუძლია მივიდეს და თავისი თავი გადაამოწმოს. თუ გამოტოვებულია ან რაიმე მონაცემი არასწორია, იქვე დაწერს განცხადებას, რომლის საფუძველზეც საოლქო საარჩევნო კომისია მიიღებს გადაწყვეტილებას", - განმარტავს #38 ადიგენის საოლქო საარჩევნო კომისიის თავმჯდომარე ჯაბა მაჭარაშვილი.
2019 წლის 27 ოქტომბერს საკრებულოს შუალედური არჩევნები საქართველოს სამ თემში იმართება. მათ შორისაა ადიგენის #3 უბანი. არალისა და წარბასთუმნის მოსახლეობა მაჟორიტარ დეპუტატს აირჩევს.
არჩევნებში მხოლოდ "ქართული ოცნების" კანდიდატი მონაწილეობს.
გააზიარეთ :