რეგიონი
ახალი გერბი არარატის, ნოეს კიდობნისა და წარღვნის გარეშე - სომხეთის პატრიარქი ცვლილებებს ეწინააღმდეგება
სომხეთის სამოციქულო ეკლესია და მისი წინამძღვალი, პატრიარქი გარეგინ II ეწინააღმდეგებიან სომხეთის კონსტიტუციაში დაგეგმილ ცვლილებებს. სომხეთის უმაღლესმა მმართველმა ორგანომ, საეკლესიო კრებამ, რომელსაც გარეგინ II ხელმძღვანელობს, 24 თებერვალს დახურული განხილვის შემდეგ გამოაცხადა, რომ „ახალი კონსტიტუციის მიღება, განსაკუთრებით მაშინ, როდესაც ეს საგარეო ზეწოლის შედეგია, უკიდურესად შემაშფოთებელია“.
სომხეთში სახელმწიფო ჰიმნის, გერბისა და კონსტიტუციის შეცვლას განიხილავენ.
შესაძლოა, გერბიდან არარატის მთა გაქრეს, ჰიმნი შეიცვალოს, კონსტიტუციას კი ჩამოსცილდეს პრეამბულა, რომელიც მთიან ყარაბაღს უკავშირდება. ამ იდეის უკან ოპოზიცია აზერბაიჯანისა და თურქეთის „ზეწოლას“ ხედავს, თუმცა ხელისუფლება ამას უარყოფს და ამბობს, რომ სომხეთს ახალი კონსტიტუცია სჭირდება, რომელიც უკეთ მოერგება „ახალ გეოპოლიტიკურ და რეგიონულ გარემოებებს“.
სომხური სამოციქულო ეკლესია არაერთ საკითხში ეწინააღმდეგება ნიკოლ ფაშინიანის მთავრობას, რომელიც ბოლო პერიოდში მოსკოვისგან დისტანცირებას ცდილობს და საგარეო პოლიტიკის „დივერსიფიკაციის“ საჭიროებაზე საუბრობს.
სომხეთის რესპუბლიკის ჰიმნიც და გერბიც 1918-20 წლებში არსებული სომხეთის პირველი რესპუბლიკის მემკვიდრეობაა. 1991 წელს, როდესაც პირველმა პოსტსაბჭოურმა პარლამენტმა გერბი და ჰიმნი დაამტკიცა, 70 წლის წინანდელი ვერსიები მხოლოდ მცირედით შეცვალა. ჰიმნის ტექსტის ავტორი მიქაელ ნალბანდიანია, მე-19 საუკუნის სომეხი მწერალი, ტექსტი კი ბარსეღ განაჩიანს ეკუთვნის, ლიბანში ემიგრირებულ სომეხ კომპოზიტორს.
პარლამენტის სპიკერმა ალენ სიმონიანმა ტელეგრამზე პოსტში სომხეთის ჰიმნს „უცხოური“ უწოდა და დაწერა, ის ერთმნიშვნელოვნად „სომხურმა“ ჰიმნმა უნდა ჩაანაცვლოს, რომელიც „ჩვენი სახელმწიფოსა და სომხური მუსიკის შესაბამისი“ იქნებაო.
სომხეთის გერბი შედგება ჰერალდიკური ფარის, ფარმჭერი ლომისა და არწივისაგან, - ეს უძველესი სომხური სიმბოლოებია, რომლებსაც სომხეთის სამეფო დინასტიები იყენებდნენ.
გერბის დანარჩენი ელემენტების სიმბოლური მნიშვნელობა კი ასეთია:
ხმალი - რომელიც ჯაჭვებს ამსხვრევს, ერის ძალისა და ძლევამოსილების სიმბოლოა;
გატეხილი ჯაჭვი - სომეხი ერის უდრეკობა დამოუკიდებლობისა და თავისუფლების მოსაპოვებლად;
ხორბლის თავთავები - სომეხთა მძიმე შრომის ნიშნად;
ბუმბული - კულტურული და ინტელექტუალური მემკვიდრეობა;
ლენტი - დროშის ფერები.
სომხეთში სახელმწიფო ჰიმნის, გერბისა და კონსტიტუციის შეცვლას განიხილავენ.
შესაძლოა, გერბიდან არარატის მთა გაქრეს, ჰიმნი შეიცვალოს, კონსტიტუციას კი ჩამოსცილდეს პრეამბულა, რომელიც მთიან ყარაბაღს უკავშირდება. ამ იდეის უკან ოპოზიცია აზერბაიჯანისა და თურქეთის „ზეწოლას“ ხედავს, თუმცა ხელისუფლება ამას უარყოფს და ამბობს, რომ სომხეთს ახალი კონსტიტუცია სჭირდება, რომელიც უკეთ მოერგება „ახალ გეოპოლიტიკურ და რეგიონულ გარემოებებს“.
სომხური სამოციქულო ეკლესია არაერთ საკითხში ეწინააღმდეგება ნიკოლ ფაშინიანის მთავრობას, რომელიც ბოლო პერიოდში მოსკოვისგან დისტანცირებას ცდილობს და საგარეო პოლიტიკის „დივერსიფიკაციის“ საჭიროებაზე საუბრობს.
სომხეთის რესპუბლიკის ჰიმნიც და გერბიც 1918-20 წლებში არსებული სომხეთის პირველი რესპუბლიკის მემკვიდრეობაა. 1991 წელს, როდესაც პირველმა პოსტსაბჭოურმა პარლამენტმა გერბი და ჰიმნი დაამტკიცა, 70 წლის წინანდელი ვერსიები მხოლოდ მცირედით შეცვალა. ჰიმნის ტექსტის ავტორი მიქაელ ნალბანდიანია, მე-19 საუკუნის სომეხი მწერალი, ტექსტი კი ბარსეღ განაჩიანს ეკუთვნის, ლიბანში ემიგრირებულ სომეხ კომპოზიტორს.
პარლამენტის სპიკერმა ალენ სიმონიანმა ტელეგრამზე პოსტში სომხეთის ჰიმნს „უცხოური“ უწოდა და დაწერა, ის ერთმნიშვნელოვნად „სომხურმა“ ჰიმნმა უნდა ჩაანაცვლოს, რომელიც „ჩვენი სახელმწიფოსა და სომხური მუსიკის შესაბამისი“ იქნებაო.
სომხეთის გერბი შედგება ჰერალდიკური ფარის, ფარმჭერი ლომისა და არწივისაგან, - ეს უძველესი სომხური სიმბოლოებია, რომლებსაც სომხეთის სამეფო დინასტიები იყენებდნენ.
გერბის დანარჩენი ელემენტების სიმბოლური მნიშვნელობა კი ასეთია:ხმალი - რომელიც ჯაჭვებს ამსხვრევს, ერის ძალისა და ძლევამოსილების სიმბოლოა;
გატეხილი ჯაჭვი - სომეხი ერის უდრეკობა დამოუკიდებლობისა და თავისუფლების მოსაპოვებლად;
ხორბლის თავთავები - სომეხთა მძიმე შრომის ნიშნად;
ბუმბული - კულტურული და ინტელექტუალური მემკვიდრეობა;
ლენტი - დროშის ფერები.
ამავე კატეგორიაში
კვირის პოპულარული
ამინდის პროგნოზი
აბრეშუმის გზა
პარტნიორი მედიასაშუალებების მასალები
ამინდი
ახალციხე
10
°C
ახალქალაქი
7
°C
ასპინძა
9
°C
ადიგენი
17
°C
ბორჯომი
11
°C
თბილისი
14
°C
აბასთუმანი
9
°C
ბაკურიანი
6
°C
ნინოწმინდა
7
°C
ვალუტა
AMD
1000
6.8978
EUR
1
2.8837
RUB
100
2.8914
TRY
1
0.0829
USD
1
2.6755
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.
