«Պուտինին զայրացրել են»,- ինչպես են գնահատում իրավիճակը Ծղալթբիլայում
25.01.2023
Արդեն 11 ամիս է, ինչ Ուկրաինան հետ է մղում ռուսական զինված ուժերին։ Ռուսական բանակը ռազմական հանցագործություններ է կատարում՝ սպանում է խաղաղ բնակիչներին, ռմբակոծում տները, դպրոցներն ու հիվանդանոցները։
Չնայած բազմաթիվ ապացույցներին, Վրաստանի բնակչության մի մասը Ռուսաստանի ագրեսիան անվանում է հատուկ գործողություն կամ օգնություն Ուկրաինայում բնակվող էթնիկ ռուսներին։ Ռուսական ապատեղեկատվության զոհ են դառնում հատկապես էթնիկ փոքրամասնության ներկայացուցիչները, ովքեր պետական լեզուն չիմանալու պատճառով ստիպված են հետևել կեղծ լուրերով հագեցած ռուսական լրատվամիջոցներին։
Ծղալթբիլայի բնակիչներից հետաքրքրվեցինք, թե ինչ են մտածում Ռուսաստան-Ուկրաինա հակամարտության մասին։