Վրաստանի պաշտպանության նախարար Իրակլի Չիքովանին հանդիպել է Վրաստանում Հայաստանի Հանրապետության դեսպան Աշոտ Սմբատյանի հետ։

Պաշտպանության նախարարությունից հայտնում են, որ կողմերն ընդգծել են երկրների պատմական բարիդրացիական հարաբերությունները և ժողովուրդների բարեկամությունը։

Պաշտպանության նախարարը հայ դիվանագետի հետ քննարկել է պաշտպանության ոլորտում երկկողմ համագործակցության հարցեր։ Ընդգծվել է ռազմավարական գործընկերության վերաբերյալ երկրների միջև ստորագրված համատեղ հռչակագրի կարևորությունը։

Հանդիպմանը մասնակցում էր Հայաստանի Հանրապետության ռազմական կցորդ, գնդապետ Մեսրոպ Նազարյանը։