Մենք կրկին ողջունում ենք Ադրբեջանի և Հայաստանի միջև խաղաղության համաձայնագիրը և նշում, որ Վրաստանը պատրաստ է իր ներդրումն ունենալ տարածաշրջանում խաղաղության և համագործակցության ամրապնդման գործում, – ԵԱՀԿ գլխավոր քարտուղար Ֆերիդուն Սինիրլիօղլուի հետ համատեղ ճեպազրույցի ժամանակ հայտարարել է Վրաստանի արտաքին գործերի նախարար Մակա Բոճորիշվիլին։

Մակա Բոճորիշվիլիի խոսքով՝ Վրաստանն անկեղծ ցանկություն ունի նպաստել Հարավային Կովկասի տարածաշրջանում խաղաղությանն ու կայունությանը։

«Ես ուրախ եմ, որ անցյալ շաբաթ Թբիլիսիում տեղի ունեցավ արտաքին գործերի նախարարությունների եռակողմ հանդիպում, Վրաստանի, Հայաստանի և Ադրբեջանի արտաքին գործերի նախարարությունների միջև առաջին հանդիպումը տեղի ունեցավ Թբիլիսիում, և ես հույս ունեմ, որ այս ձևաչափով մենք կկարողանանք համագործակցել տարածաշրջանի բարգավաճման համար»։

Վրաստանը մեծ նշանակություն է տալիս տարածաշրջանային համագործակցությանը, մասնավորապես՝ մեր դերի ավելի լավ ներկայացման, մեր կարողությունների և ներուժի օգտագործման, ինչպես նաև տնտեսական զարգացման խթանմանն ուղղված նախագծերի իրականացմանը։ Այս առումով, մեզ համար շատ կարևոր է համագործակցությունը ԵԱՀԿ շրջանակներում մեր գործընկերների հետ, և այս համատեքստում ես կցանկանայի շնորհակալություն հայտնել Ձեզ Վրաստան այցելության և տարածաշրջանային համագործակցության վերաբերյալ այս հարցերի քննարկման համար», – ասել է Մակա Բոճորիշվիլին։