Սոցիալական հետազոտությունների և վերլուծության ինստիտուտը (ISSA) հրապարակել է Վրաստանում ընթացիկ գործընթացների վերաբերյալ բնակչության տրամադրությունների հետազոտության արդյունքները։

Հետազոտության տվյալներով՝ հասարակական կարծիքի հարցումն անցկացվել է 2025 թվականի հունվարի 18-30-ը։ Արդյունքները արտացոլում են Վրաստանի չափահաս բնակչության կարծիքը և վերաբերմունքը 2024 թվականի հոկտեմբերի 26-ից հետո երկրում զարգացած իրադարձությունների վերաբերյալ։

Հետազոտությունը ընդգրկել է ամբողջ Վրաստանը։ Մասնակցել է 2000 պատասխանող, որոնց հարցրել են անձնական հարցազրույցների միջոցով։ Հարցվողները ընտրվել են պատահականության սկզբունքով։ Հետազոտության սխալի սահմանը ±2.2% է, իսկ վստահելիության մակարդակը՝ 95%։

Հիմնական խնդիրները, ըստ բնակչության

46.5% – Բարձր գներ
42.1% – Գործազրկություն
21% – Վրացիների արտագաղթ
18% – Թմրամիջոցների տարածում/օգտագործում
16.4% – Աղքատություն
15.5% – Անարդար խորհրդարանական ընտրություններ
15.4% – Հանցավորության աճ և անկայունություն

ISSA-ի մասին

Սոցիալական հետազոտությունների և վերլուծության ինստիտուտը (ISSA) անկախ հետազոտական կազմակերպություն է, որը գործում է 2000 թվականից։ Այն իրականացնում է քանակական և որակական հետազոտություններ։ 25 տարվա ընթացքում ISSA-ն իրականացրել է հարյուրավոր ուսումնասիրություններ տարբեր ոլորտներում, որոնց արդյունքները հրապարակվել են բարձր վարկանիշ ունեցող միջազգային ամսագրերում և մոնոգրաֆիաների տեսքով։ Կազմակերպությունը ակտիվորեն համագործակցում է ինչպես տեղական, այնպես էլ միջազգային հաստատությունների հետ։