Վրաստանի Էկոնոմիկայի և կայուն զարգացման նախարարությունը 2020-21 թվականների համար խիստ հավակնոտ ծրագիր է կազմել՝ նպատակ ունենալով տեղական արտադրության զարգացման մեջ 225 միլիոն դոլարի ներդրումներ ապահովել, որի շնորհիվ երկրում կհայտնվեն 3,5 հազար նոր աշխատատեղեր: Այս մասին, Sputnik.ge-ի փոխանցմամբ, հայտարարել է «Արտադրիր Վրաստանում» գործակալության տնօրեն Միխայիլ Խիդուրելին:

Կառավարության՝ «Արտադրիր Վրաստանում» գործակալությունը ստեղծվել է 2017-ին և ուղղված է երկրում տեղական արտադրության խթանմանը: Այն միավորում է բոլոր այն պետական ​​ծրագրերը, որոնք ուղղված են գործարար ոլորտի խթանմանը և երկրի տնտեսական զարգացմանը: