ՆԳՆ Աջարիայի ոստիկանության բաժնի աշխատակիցները իրականացված օպերատիվ-հետախուզական միջոցառումների արդյունքում բերման են ենթարկել 1969 թվականին ծնված Բ.Գ.-ին՝ ծանրացուցիչ հանգամանքներում ընտանիքի անդամի դեմ կատարված դիտավորյալ սպանության մեղադրանքով:

Ըստ ՆԳՆ-ի, հանցագործությունը ենթադրում է 13-ից 17 տարվա ազատազրկում:

Քննությամբ պարզվել է, որ մեղադրյալը Քոբուլեթիի մունիցիպալիտետի Չաիսուբանի գյուղում տեղի ունեցած վեճի ընթացքում սպանել է իր եղբորը՝ 1977 թվականին ծնված Բ.Գ.-ին: Նա մահացու վիրավորվել է որսորդական հրացանից արձակված կրակոցից: Որպես ապացույց ոստիկանությունը առգրավել է զենքը:

Հետաքննություն է ընթանում ծանրացուցիչ հանգամանքներում ընտանիքի անդամի կանխամտածված սպանության փաստի առթիվ՝ Վրաստանի քրեական օրենսգրքի 11 պրիմ 109-րդ հոդվածի 2-րդ մասի «զ» ենթակետի համաձայն: