Մոսկվայում սկսել են գործել հակահամաճարակային նոր սահմանափակումներ: Համապատասխան հրամանագիրը ստորագրել է մայրաքաղաքի քաղաքապետ Սերգեյ Սոբյանինը:

Այժմ ռեստորանների մուտքը հնարավոր է միայն պատվաստումը հաստատող QR կոդով: Այն կարելի է ձեռք բերել պատվաստումներից հետո հանրային ծառայությունների կայքում, մինչդեռ թղթե վկայագրերը չեն ընդունվի: Անչափահասների համար QR կոդի կարիք չկա, եթե նրանք այցելում են իրենց ծնողների հետ: Մինչև հուլիսի 11-ը ամառային վերանդաները հասանելի են առանց QR կոդի: Դա հարկավոր չի լինի հյուրանոցների և ուսանողական ճաշարանների ռեստորաններ այցելելու համար:

Բացի այդ, ռեստորանները թույլ կտան մուտքն այն մարդկանց, ովքեր անցել են ՊՇՌ թեստ և ստացել են բացասական արդյունք, բայց այն կգործի միայն երեք օր:

Կազմակերպությունները պետք է հեռավար աշխատանքի տեղափոխեն իրենց աշխատողների 30 տոկոսին, բացառությամբ լիարժեք պատվաստվածներին: Հեռավար աշխատանքի տեղափոխման ենթակա են հղի կանայք կամ վերջերս ծննդաբերածնմերը, շաքարային դիաբետով տառապող մարդիկ, գիրություն, ասթմա և տարբեր հիվանդություններ ունեցողները: Քաղաքապետի կարգադրության համաձայն` քրոնիկ հիվանդություններով տառապող 65-ից բարձր բոլոր աշխատակիցները պետք է տեղափոխվեն հեռավար աշխատանքի: