«Մարաբդա-Կարծախ» երկաթուղային ընկերությունում պնդում են, որ Նինոծմինդա-Օրոջալար ճանապարհին, երկաթգծերի վրա տեղի ունեցած, գնացքի և մեքենայի բախման մեջ մեղավորը մեքենայի տուժած վարորդն է:

Այսօր՝ հունվարի 19-ին, Նինոծմինդա-Օրոջալար ճանապարհին տեղի ունեցած վթարի հետևանքով, գնացքի և մեքենայի բախման արդյունքում, տուժել են մեքենայի մեջ գտնվող ամուսինները Սաթխա գյուղից: Երկուսն էլ գտնվում են ծանր վիճակում:

«Մարաբդա-Կարծախ» ՍՊԸ-ի հասարակայնության հետ կապերի ծառայությունը մեկնաբանել է կատարվածը:

«Ամեն ինչ տեղի է ունեցել մեքենայի վարորդի մեղքով, քանի որ այնտեղով չի կարելի անցնել, նա խախտել է երթևեկության կանոնները, այնտեղ որտեղով մեքենաները կարող են հատել մեր գիծը կան ուղեփակոցներ: Վարորդն է մեղավոր, հետաքննությունն արդեն սկսվել է, նրանք կպարզեն », – ասացին «Մարաբդա-Կարծախ» ՍՊԸ-ի հասարակայնության հետ կապերի ծառայությունից:

Հիշեցնենք, որ այսօր Նինոծմինդա-Օրոջալար ճանապարհին տեղի է ունեցել ՃՏՊ՝ մարդատար մեքենան բախվել է գնացքին:

Մեքենայի մեջ գտնվել են ամուսիններ, նրանք Նինոծմինդայի բնակիչներ են, ծնունդով Սաթխա գյուղից: Երկուսն էլ գտնվում են ծանր վիճակում, տղամարդուն տեղափոխել են Թբիլիսի, կինը վիրահատվել է Ախալքալաքի Շրջանային հիվանդանոցում:

Վրաստանի ՔՕ 275-րդ՝ «Ճանապարհային երթևեկության անվտանգության կամ երկաթուղային, ջրային, օդային կամ կախովի տրանպորտային փոխադրամիջոցների շահագործման կանոնների խախտում» հոդվածով հարուցվել է քրեական գործ: Jnews.ge