Ախալցիխեում գրանցվել է կորոնավիրուսի երկրորդ դեպքը

Լուրեր

29.04.2020

Ախալցիխեի «Իմեդի» կլինիկայում գտնվող հիվանդներից մեկի հետազոտության արդյունքները Լուգարի լաբորատորիայից ստացել են այսօր՝ ապրիլի 29-ին: Վարակակիր անձին այս պահին, հավանաբար տեղափոխում են Գորիի հոսպիտալ:

Հիվանդը տարածաշրջանի բնակիչ չէ: Նրան կարանտինային գոտուց կորոնավիրուսին բնորոշ ախտանշաններով տեղափոխել են Ախալցիխեի հիվանդանոց:

Երեկ, ապրիլի 28-ին, Ախալցիխեից 35 քաղաքացու հետազոտության արդյունքներն ուղարկել էին Լուգարի լաբորատորիա: Այդ թվում 22-ը այն բուժ աշխատողներնր էին, որոնց հերթապահության ընթացքում գրանցվել էր կորոնավիրուսի առաջին դեպքը: Բարեբախտաբար, բժիշկների մոտ վարակ չի հաստատվել:

Նշենք, որ սա Ախալցիխում կորոնավիրուսի երկրորդ հաստատված դեպքն է: Առաջին դեպքը գրանցվել էր ապրիլի 25-ին:

| Print |

თეგები: Ախալցիխե / Կորոնավիրուս /

Հեղինակ:

მეცხრე არხი