Ինչպիսի վիճակում է Ախալքալաքում կրակոցներից վիրավորված տղամարդը (Տեսանյութ)
10.05.2022
Կրակոցներ Ախալքալաքում - Քաղաքի կենտրոնում երիտասարդ տղամարդ է վիրավորվել: Նա ունի վեց վերք, որոնցից չորսը՝ հրազենային, երկուսը՝ դանակով։ 36-ամյա տղամարդուն ականատեսները տեղափոխել են ուղեգրային հիվանդանոց, նրան շտապ վիրահատել են, որից հետո շտապօգնության խումբը հիվանդին տեղափոխել է Թբիլիսիի «Վիվամեդի» կլինիկա։
Ինչպես «9-րդ ալիքին» հայտնել է «Վիվամեդի» կլինիկական մենեջեր՝ Զուրաբ Չխաիձեն, հիվանդը բազմաթիվ վնասվածքներ ունի, միացված է արհեստական շնչառության սարքին և վիճակը կայուն ծանր է։ Կլինիկայում չեն բացառում, որ հիվանդը կարող է այլ վիրահատության ենթարկվել։
Տուժածի հարազատները պատմում են, որ երիտասարդին վիրավորել է գյուղացի ու ազգական, 60-ն անց տղամարդը։ Ե՛վ վիրավորը, և՛ մեղադրյալը Ախալքալաքի Խուլգումո գյուղի բնակիչներ են։ Գյուղացիներն ասում են, որ վիրավորը բնակվում է Ռուսաստանում և Վրաստան է ժամանել մոտ մեկ շաբաթ առաջ։ Նրանց միջեւ երբեք կոնֆլիկտ չի եղել։
ՆԳՆ-ն հետաքննություն է սկսել կանխամտածված սպանության փորձի հոդվածով, ըստ գործակալության՝ մեղադրյալը ձերբակալվել է: