Ամիսներ շարունակ ՀԱՊԿ-ի հասցեին հնչող դժգոհություններից հետո Հայաստանը հրաժարվում է ռազմաքաղաքական դաշինքում գլխավոր քարտուղարի տեղակալի իր քվոտայից։

Պաշտոնական Երևանը կառույցին արդեն տեղեկացրել է այս մասին։ Արտգործնախարարության խոսնակ Վահան Հունանյանը, սակայն, «Ազատության» հետ զրույցում այս որոշման պատճառներից խոսել չցանկացավ։

Հայաստանը բազմիցս է արտահայտել իր դժգոհությունը ՀԱԿՊ-ից։ Երևանը կառույցից պահանջում էր դատապարտել անցած տարի ադրբեջանական ներխուժումը Հայաստանի ինքնիշխան տարածք, բայց պահանջն այդպես էլ անկատար մնաց։ Հունվարին էլ Երևանը չեղարկեց Հայաստանում նախատեսված ՀԱՊԿ զորավարժությունները, վարչապետ Փաշինյանը պարզաբանեց՝ կառույցից դեռ կոնկրետ գնահատականների են սպասում՝ հասկանալու՝ որն է դաշինքի պատասխանատվության գոտին։

Հայաստանի Անվտանգության խորհրդի քարտուղարը ՀԱՊԿ գլխավոր քարտուղարի տեղակալի քվոտայից հրաժարվելը է դիտարկում է Մոսկվայի առաջնորդած դաշինքի ու Երևանի հարաբերությունների կոնտեքստում. - «Քաղաքական ուղերձ չէ։ Կարծում եմ, այն գործընթացները, որ ընթանում են Հայաստանի և ՀԱՊԿ-ի միջև, ամբողջովին տեղավորվում է այդ տրամաբանության մեջ»։