Վրաստանի վարչապետ Իրակլի Ղարիբաշվիլիի խոսքով, չնայած այն հանգամանքին, որ վերջին շրջանում կորոնավիրուսով վարակվածների թիվը նվազել է, կարևոր է կանխարգելիչ միջոցառումներին հետևելը:

Իրակլի Ղարիբաշվիլին նշել է, որ համաճարակաբանական իրավիճակը չվատթարացնելու համար անհրաժեշտ միջոց է քաղաքացիների կողմից շնչադիմա կրելը և կառավարության կողմից վերահսկողությունը:

«Չնայած այն հանգամանքին, որ վերջին օրերին համաճարակային հիվանդությունների թիվը նվազել է, ես կցանկանայի առիթից օգտվելով վերստին հասարակությանը կոչ անել, որ շնչադիմակ կրելը, հետեւաբար, կառավարության վերահսկողությունը անհրաժեշտ միջոց է և կանխարգելում: Ես մեկ անգամ ևս դիմում եմ բնակչությանը, որ շնչադիմակ կրելն անհրաժեշտ է, և մենք, բոլորս միասին, պետք է հոգ տանք այս ուղղությամբ: Ինչպես գիտեք, մենք մեղմացրել ենք սահմանափակումները: Այս բոլոր միջոցառումներն ուղղված էին հնարավորինս արագ վերականգնել և բացել տնտեսությունը: Մյուս կողմից, մենք պետք է հիշենք, որ եթե իրավիճակը վատթարանա, մենք կրկին ստիպված կլինենք վերադառնալ որոշակի սահմանափակումների: Դրանից խուսափելու համար մենք պետք է հետևենք տարրական պահանջներին: Իհարկե, դրան անհրաժեշտ է պատշաճ վերահսկողություն կառավարության կողմից», – ասաց Իրակլի Ղարիբաշվիլին: