Հունիսի 9-ին ՝ ժամը 13: 00-ի սահմաններում, Նինոծմինդայի մունիցիպալիտետի Սաթխա գյուղում կայծակի հարվածի պատճառով բնակիչները վնասվածքներ են ստացել, շարքից դուրս են եկել նաև էլեկտրական սարքավորումները: Տեղեկությունը տարածում է Րադիո Նորը

Բնակիչների խոսքով ՝ 40 րոպեանոց կարկուտից հետո կայծակը հարվածել և զգալի վնաս է հասցրել հիմնականում գյուղի հինգերորդ փողոցի բնակիչներին:

Այն պահին, երբ կայծակը հարվածել է գազի ջրատաքացուցիչին Անթառամը սրբել է միջանցքի հատակը, կինը դիպչել է սեղանին: Այդ պահին տանը փոքր երեխաներ կային: «Սկզբում ինձ լավ էի զգում, բայց հետզհետե թուլացա: Եղբայրս տարավ բժշկի, նշանակեցին բուժում », – ասաց Անթառամը: Այժմ նա իրեն ավելի լավ է զգում, միայն ձախ ձեռքն է դեռ թույլ և զգում է թմրածություն:

Կայծակի հարվածից վնասվել են ավելի քան 8 տների էլեկտրական սարքավորումներ:

Կայծակը փչացրել է հեռուստացույցներ, էլեկտրական լարեր, գազի կաթսաներ, ինչպես նաև գիշերային լույսեր:

Կայծակից բացի, զգալի վնաս է հասցրել նաև կարկուտը, որը վնասել է բնակիչների բերքը և բանջարանոցները:

Բնակիչները դիմում են գրել և գյուղապետի միջոցով հանձնել քաղաքապետարան: