Ինչպե՞ս կգործեն մանկապարտեզները համավարակի պայմաններում

Լուրեր

02.09.2020

Վրաստանում մանկապարտեզները կվերաբացվեն հոկտեմբերի 1-ից: Այս մասին օրեր առաջ է հայտնի դարձել։ Առողջապահության նախարարության կողմից հատուկ ծնողների, երեխաների ու աշխատակազմի համար մշակված խորհրդատվություններն արդեն հրապարակվել են:

Մանկապարտեզների համար մշակված հակամաճարակային պայմաններն են՝

Արգելվում է մանկապարտեզ մուտք գործել կողմնակի անձանց՝ այդ թվում ծնողներին,
Երեխաներին պետք է ընդունեն մանկապարտեզի աշխատակիցները,
Հաստատությունների մուտքերի մոտ պետք է թերմոսքրինինգ անցկացվի, որպեսզի վերահսկվի ինչպես աշխատակազմի, այնպես էլ երեխաների և նրանց ծնողների առողջական վիճակը,
Թերմոսքրինինգ անցկացնող անձը պետք է դիմակով լինի, պահպանի սոցիալական հեռավորություն,
Ջերմություն ունեցող ու շնչառական նախանշաններ ունեցող երեխաներին պետք է տեղավորեն առանձին սենյակներում,
Մեկուսացման սենյակում գտնվող 6 տարեկանից բարձր բոլոր անձինք պետք է կրեն դիմակներ, պահպանեն նվազագույնը մեկ մետր հեռավորություն,
Պետք է պլան կազմվի՝ խմբերի սենյակների և սենյակներում երեխաների քանակի նշումով,
Բակը, ինչպես նաև այլ ընդհանուր կիրառման վայրերը, չպետք է միաժամանակ ծառայեն միանգամից մի քանի խմբերի,
Արգելվում է տնից խաղալիքներ բերել մանկապարտեզի տարածք,
Կիրառությունից պետք է հանել այնպիսի խաղալիքները, որոնք անհնար է պարբերաբար լվանալ կամ ախտահանել,
Խաղալիքները ամեն օր պետք է լվացվեն ջրով, խոզանակով, օճառով կամ սոդայի խառնուրդով:

Ալիք Մեդիա

Հեղինակ:

Սիրուշո Անտոնյան

Երկ.

Երեք.

Չոր.

Հինգ.

Ուրբ.

Շաբ.

Կիր.