Վրաստանում տեղի է ունեցել հերթական երկրաշարժը

Լուրեր

16.02.2022

Վրաստանում տեղի է ունեցել ևս մեկ երկրաշարժ: Երկիրն ուսումնասիրող գիտությունների ինստիտուտի և Սեյսմիկ մոնիտորինգի ազգային կենտրոնի տվյալներով՝ երկրաշարժը տեղի է ունեցել Թբիլիսիի ժամանակով 11:37-ին, Դմանիսիի քաղաքապետարանի Սամեբա գյուղում: Ուժգնությունը կազմել է 3,3 մագնիտուդ(ML):

Ինչպես գիտեք փետրվարի 13 -ին, Վրաստանում գրանցվեց երկրաշարժ որի ուժգնությունը կազմել է 6,2 բալ, որին հաջորդել է նաեւ մի քանի հետցնցումներ: Երկրաշարժի էպիկենտրոնը գտնվել է Սամեբա գյուղի մոտ:

Հարկ է նշել, որ տեղի ունեցած երկրաշարժի հետեւանքով Նինոծմինդայի մունիցիպալիտետի Կաթնատու գյուղի դպրոցը անցել է հեռավար ուսուցման ռեժիմի:

Դպրոցի տնօրեն Սուրեն Մզիկյանը մեզ հետ զրույցում ասաց. «Ճիշտ է դպրոցի շենքը երկու անգամ կապիտալ վերանորոգում արել ենք, բայց հիմքից է թույլ եւ շենքը շատ հին է: Իսկ այս երկրաշարժը հետեւնաքով դասարանում առաստաղը կորացել եւ հնարավոր է փլուզվի, ինչպես նաեւ առաջացել է ճաքեր պատերի, դռների եւ պատուհանի շուրջ ինչը շատ վտանգավոր է: Այդ պատճառով որոշում կայացրեցինք դպրոցը ուղարկել հեռավար ուսուցման մինչեւ մարտի 1 -ը: Այդ ընթացքում նախարարությունից պետք է մասնագետներ գան տեսնեն գնահատեն դպրոցի վիճակը, որից հետո ամեն ինչ պարզ կլինի»:

5 երկրաշարժ՝ վերջին 24 ժամում
Անցած գիշեր Վրաստանում գրանցվել է 7 երկրաշարժ
Ճեղքված, փլուզված պատեր - Երկրաշարժի հետևանքները