Պուտինը հրամանագիր է ստորագրել վիզային բնույթի պատասխան միջոցների մասին

Լուրեր

04.04.2022

ՌԴ նախագահ Վլադիմիր Պուտինը հրամանագիր է ստորագրել «Օտարերկրյա պետությունների ոչ բարեկամական գործողությունների հետ կապված վիզային բնույթի պատասխան միջոցների մասին»։ РИА Новости գործակալության փոխանցմամբ՝ փաստաթուղթը հրապարակվել է իրավական տեղեկատվության հարթակում։

Եվ այսպես, Ռուսաստանը կասեցրել է ԵՄ-ի, Նորվեգիայի, Դանիայի, Իսլանդիայի, Շվեյցարիայի և Լիխտեյնշտեյնի հետ վիզային ռեժիմի դյուրացման համաձայնագրերի որոշ կետեր։ Խոսքը, մասնավորապես, ԵՄ երկրների պաշտոնական պատվիրակությունների անդամների և լրագրողների մասին է։

Կասեցվել է նաև այն կանոնը, որի համաձայն դիվանագիտական անձնագրեր ունեցողները կարող էին մուտք գործել Ռուսաստան առանց վիզայի։

ՌԴ նախագահը հանձնարարել է ԱԳՆ-ին ծանուցել ԵՄ պատվիրակությանը և թվարկված երկրների դեսպանություններին նոր կանոնների մասին, ինչպես նաև անձնական սահմանափակումներ կիրառել օտարերկրացիների և քաղաքացիություն չունեցող անձանց՝ Ռուսաստան մուտքի համար, ովքեր ոչ բարեկամական գործողություններ են կատարում։

Կառավարությունը պետք է պատրաստի և Պետդումա ներկայացնի հրամանագրում նշված միջազգային պայմանագրերի գործողության կասեցման մասին օրենքի նախագիծ։

Ռուսաստանի և Եվրամիության միջև հարաբերությունները զգալիորեն վատթարացել են Ուկրաինայում Ռուսաստանի ծավալած ռազմական գործողություններից հետո, Ռուսաստանի դեմ շատ խիստ պատժամիջոցներ են սահմանվել։ Ի պատասխան՝ Ռուսաստանը ԵՄ բոլոր 27 երկրները և ԵՄ անդամ չհանդիսացող 10 այլ երկրների ներառել է ոչ բարեկամական երկրների ցուցակում: Այժմ այդ ցանկում կա 48 երկիր՝ ԱՄՆ-ի գլխավորությամբ։

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.