Վարչապետ Իրակլի Ղարիբաշվիլիի նախաձեռնությամբ մեկնարկել է գյուղատնտեսության սուբսիդավորման ծրագիր՝ ֆերմերներին խրախուսելու նպատակով։ Մանրամասնում է Nor.ge-ն:

Գյուղատնտեսական քարտերի կիրառումն ու թողարկումը Liberty բանկում մեկնարկել է մայիսի 10-ից։

Liberty բանկի տվյալների բազայում հրապարակվել է այն խանութների ցանկը որտեղից որ հնարավոր է նոր տրամադրված ագրոքարտերով առևտուր անել։

Ըստ NOR ռադիոկայանի տեղեկությունների առայժմ ոչ բոլոր խանութներն են միացել գործընթացին։

Հրապարակված տվյալների համաձայն Ախալքալաքում ագրոքարտերով առևտուր անող խանութների ցանկը հետևյալն է.

«Նեքստ +» ՍՊԸ – Ախալքալաք
Ախալքալաք, Նինոծմինդայի խճուղու վրա գտնվող խանութում
Ախալքալաք, Թամար Թագուհի փ. № 13 հասցեում գտնվող խանութում
«Գյուղատնտեսական խորհրդատվական ծառայություն» ՍՊԸ – Ախալցխա, Ախալքալաքի խճուղու վրա
«Գյուղատնտեսական խորհրդատվական ծառայություն» ՍՊԸ – Ախալքալաք, Ազատության փ. №74
«Լ-Ց» ՍՊԸ – Ախալքալաք, Թամարաշվիլի փ.
«Ագրոմիքս» ՍՊԸ – Ախալքալաք, Դարբինյան փ. №26
«Ջավախեթի Ագրո ընկերություն» ՍՊԸ – Ախալքալաք, գ. Բավրա
Գյուղատնտեսության նախարարությունը հայտնում է, որ ծառայությունը այս պահին հասանելի է Վրաստանի 180-ից ավելի մասնագիտացված խանութներում։ Ծրագրի շահառու ֆերմերներին փուլ առ փուլ կսպասարկեն ավելի քան 500 առևտրային օբյեկտներ։

Ագրոքարտի ակտիվությունը և դրա վրա միավորների կուտակումը կարող է ճշտել ցանկացած անձ, դրա համար պետք է մուտք գործել Liberty բանկի պաշտոնական կայք՝ հետևյալ հղումով.

• https://myliberty.ge/?id=agro

Մուտք գործելով վերը նշված կայքը պետք է այնտեղ գրել նույանականացման քարտի համարը (პირადი ნომერი) և սեղմել որոնել, այնտեղ արդեն կհայտնվեն տվյալներ: Եթե այնտեղ կգրվի, որ հաճախորդը չի գտնվել (კლიენტი არ მოძებნა) ուրեմն միավորները դեռևս չեն կուտակվել և միայն դրանից հետո այցելել բանկի հարմար մասնաճյուղ:

Եթե դուք չունեք ագրոքարտ, ապա պետք է դիմել Liberty բանկի ցանկացած մասնաճյուղ՝ նոր քարտ ստանալու, կամ գործող ագրոքարտը ակտիվացնելու համար։

Հիշեցնենք՝ ֆերմերները 1 հեկտարի համար կստանան 300 լարի (միավորների տեսքով) և դրանից կօգտվի մինչև 300 հազար ֆերմեր։

Ագրոքարտերի վրա կուտակված միավորների կիրառման վերջնաժամկետն է 2022 թվականի նոյեմբերի 30-ը։