Աշխարհում նավթի բորսայական գներն առաջիկա ամիսներին կաճեն։ Տեսանելի ապագայում հումքի շուկայական գնանշումները էներգետիկ ճգնաժամի պատճառով կարող են հասնել 150 դոլարի մեկ բարելի դիմաց, JPMorgan-ի վերլուծաբանների կանխատեսումներն է փոխանցում Bloomberg-ը։

«Նավթի գները կաճեն մինչև 150 դոլար մեկ բարելի դիմաց, քանի որ պահանջարկը գերազանցում է առաջարկը, իսկ այլընտրանքային էներգիայի աղբյուրները, ինչպիսիք են բնական գազը և վերականգնվող էներգիան, չեն կարող լրացնել բացը»,- ասվում է նյութում:

Ամերիկյան JPMorgan բանկի գլոբալ էներգետիկ ռազմավարության ղեկավար Քրիստիան Մալեկի կարծիքով՝ ածուխն ու գազը չեն կարողանա լրացնել նավթի համաշխարհային մատակարարման թերությունները։ Պետք է խաղադրույք կատարել էներգիայի վերականգնվող աղբյուրների վրա։

«Դա պետք է կապված լինի արևի էներգիայի և քամու հետ, և այն ժամանակ, երբ դուք անցնեք դրա միջով, մենք դեռ կունենանք նավթի մեծ դեֆիցիտ, ինչը հիմնականում նշանակում է, որ մենք կտեսնենք նավթի գնի զգալիորեն ավելի բարձր վերանայումներ»,- ասել է Մալեկը։