Վրաստանի խորհրդարանը աջակցել է իրավախախտումների օրենսգրքում ներքին գործերի նախարարության և Վրաստանի «Ճանապարհային երթևեկության մասին» օրենքում փոփոխությունների փաթեթը, որը նախատեսում է տրանսպորտային միջոցները ձմեռային անվադողերով հագեցնելու պարտավորությունը։

Փոփոխություններին կողմ է արտահայտվել 81 պատգամավոր։

Ինչպես պարզաբանում են օրենսդրական փոփոխությունների հեղինակները, օրենսդրական փոփոխությունների փաթեթի նպատակը ճանապարհային երթեւեկության անվտանգության ապահովումն է։

Փոփոխությունների համաձայն՝ դեկտեմբերի 1-ից մարտի 1-ն ընկած ժամանակահատվածում Վրաստանի կառավարության կողմից սահմանված գոտիներում/ճանապարհային հատվածներում տեղաշարժվելիս տրանսպորտային միջոցը ձմեռային անվադողերով ապահովելը պարտադիր կլինի։ Բացի այդ, հատուկ դեպքերում, հաշվի առնելով օդերևութաբանական պայմանները, հնարավոր է սահմանվի վերը նշված ժամանակահատվածից տարբերվող ժամանակաշրջան՝ տրանսպորտային միջոցը ձմեռային անվադողերի հետ հակասողանքային շղթաներով հագեցնելու լրացուցիչ պահանջի վերաբերյալ։ Վերոնշյալ պահանջները խախտելու դեպքում անձը կենթարկվի վարչական պատասխանատվության։ Որպես պատժամիջոց սահմանվում է տուգանք՝ 100 լարիի չափով և վարորդական վկայականի հինգ միավորով նվազեցում։ Ձմեռային անվադողերի տեխնիկական բնութագրերը սահմանվում են Վրաստանի կառավարության որոշմամբ։