Ներքին գործերի նախարար Վախթանգ Գոմելաուրին իր իսպանացի գործընկեր Ֆերնանդո Գրանդե-Մարլասկա Գոմեսի հետ ստորագրել է համաձայնագիր «Վրաստանի և Իսպանիայի Թագավորության միջև ազգային վարորդական վկայականների փոխադարձ ճանաչման և փոխանակման մասին»։ Այս մասին տեղեկություն է տարածում ՆԳՆ-ն։

Գործակալության տվյալներով՝ Վախթանգ Գոմելաուրին պատվիրակության հետ միասին պաշտոնական այցով գտնվում է Իսպանիայի Թագավորությունում։

Հանդիպման ընթացքում կողմերը խոսել են իրավապահ ոլորտում առկա համագործակցության կարևորության և ապագա ծրագրերի մասին։ Վախթանգ Գոմելաուրին շնորհակալություն է հայտնել Ֆերնանդո Գրանդե-Մարլասկա Գոմեսին՝ իրավապահ մարմինների միջև առկա համագործակցության խորացման գործում ունեցած նշանակալի ավանդի համար։ Իսպանիայի Թագավորությունը հույս հայտնեց, որ կողմերը ապագայում կշարունակեն ակտիվորեն աշխատել առկա գործընկերության ամրապնդման ուղղությամբ։ Հարաբերություններն էլ ավելի կընդլայնվեն տարբեր ուղղություններով։

«Վրաստանի և Իսպանիայի Թագավորության միջև ազգային վարորդական վկայականների փոխադարձ ճանաչման և փոխանակման մասին համաձայնագիրը ուժի մեջ կմտնի մոտ ապագայում՝ համապատասխան իրավական ընթացակարգերի ավարտից հետո»,- ասվում է հաղորդագրության մեջ։