2025 թվականի մարտի 1-ից միջազգային ոչ կանոնավոր ուղևորափոխադրումներ և/կամ երկրի ներքին կանոնավոր փոխադրումներ իրականացնող փոխադրողները պարտավորվելու են ունենալ ուղևորափոխադրումների թույլտվություն։

Ճանապարհային տրանսպորտի գործակալության տեղեկացմամբ՝ 2024 թվականի դեկտեմբերի 1-ից մինչև 2025 թվականի հունիսի 1-ն ընկած ժամանակահատվածում միջազգային ոչ կանոնավոր ուղևորափոխադրումներ և/կամ երկրի ներքին կանոնավոր ուղևորափոխադրումներ իրականացնելու նպատակով թույլտվություն ստանալու համար թույլտվության հայցորդը պետք է ներկայացնի հետևյալը.

• տեղեկություն սեփականությունում առնվազն մեկ ավտոբուսի/մինիվենի մասին, որը ներգրավված է կամ կներգրավվի ավտոմոբիլային ուղևորափոխադրումների մեջ, հաշվի առնելով թույլտվության տեսակը;
• թույլտվության վճարի վճարման հաստատող փաստաթուղթ;
• ներկայացված ավտոբուսի/մինիվենի պարբերական տեխնիկական զննման հաշվետվություն;
• փոխադրողի և նրա ղեկավարի դատվածության մասին տեղեկանք;
• փոխադրողի կողմից Վրաստանի օրենսդրությամբ սահմանված կարգով ընդունված, գործունեության ոլորտում գործող օրենսդրության պահանջներին համապատասխանության հռչակագիր։