ყინვა იქნება მარტშიც - როგორია სინოპტიკოსების პროგნოზი

ამინდი

25.02.2025

მთელი საქართველო უამინდობას ებრძვის, დიდთოვლობის და ქარბუქის შედეგად რამდენიმე ადგილიდან მოსახლეობის გაყვანაც კი გახდა საჭირო. ბოლო ერთი კვირაა ტემპერატურა მკვეთრად დაეცა სამცხე-ჯავახეთშიც, ისევე როგორც საქართველოს მასშტაბით, რეგიონის გზებზე შეზღუდვები იყო დაწესებული.

გარემოს ეროვნული სააგენტოს ჰიდრომეტეოროლოგიის დეპარტამენტის, ამინდის გრძელვადიანი პროგნოზების განყოფილების უფროსი სპეციალისტი თამარ პაპაშვილი უახლოესი დღეების პროგნოზს საუბრობს და ამბობს, რომ საქართველოს ტერიტორიაზე არქტიკული ცივი ჰაერის მასების გავრცელებამ დიდთოვლობა, ჰაერის ტემპერატურის დაბალი მაჩვენებლები, ზოგან ძლიერი ქარი გამოიწვია. ასეთი ამინდები ქვეყნის მასშტაბით 27 თებერვლის ჩათვლით იქნება შენარჩუნებული. 27 თებერვლის დღის მეორე ნახევრიდან ზოგან გამოიდარებს, 28 თებერვალს უმეტესად უნალექო ამინდი იქნება, ასე გაგრძელდება 1-2 მარტსაც და 3 მარტიდან კვლავ ამინდის გაუარესებაა მოსალოდნელი.

"უახლოესი დღეები - დღეს, ხვალ, ზეგ როგორც დასავლეთ, ისე აღმოსავლეთ საქართველოში ნალექი უმეტესად თოვლის სახით არის მოსალოდნელი. ზოგან ძლიერი. ჰაერის ტემპერატურა ღამის საათებში კვლავ უარყოფით ნიშნულზე იქნება მთელი საქართველოს ტერიტორიაზე. 28 თებერვლიდან 3 მარტამდე ღამის ტემპერატურა კიდევ უფრო დაიკლებს. მინუს 6 გრადუსამდე დასავლეთ საქართველოში და მინუს 10-12 გრადუსამდე აღმოსავლეთ საქართველოს ბარში. ძალიან რთული მეტეოროლოგიური პირობებია, სიფრთხილე გვმართებს გზებზე, ლიპყინული, ქარბუქი, დიდთოვლობა და ხილვადობის გაუარესება გზებზე საფრთხეს უქმნის მოძრაობას და გარკვეულ უბნებზე მოქმედებს შეზღუდვები. მეტეოროლოგიური პირობების გაუმჯობესებისთანავე ეს შეზღუდვები მოიხსნება"- ამბობს თამარ პაპაშვილი.

თეგები: მარტი / პროგნოზი / ყინვა /

Հեղինակ:

ლუბა გიორგაძე

Երկ.

Երեք.

Չոր.

Հինգ.

Ուրբ.

Շաբ.

Կիր.