ახალციხეში საბარგო სარდურის დასახლებაში, ტაბიძის ქუჩის მაცხოვრებლებმა პროტესტის ნიშნად ცენტრალური გზა გადაკეტეს. ისინი გზის, წყლისა და გარე განათების პრობლემის გადაჭრას მოითხოვდნენ.

აქციის მონაწილეებმა გზა საპატრულო პოლიციის მოთხოვნით გახსნეს.

ტაბიძის ქუჩაზე 26 ოჯახი ცხოვრობს. ადგილობრივები ამბობენ, რომ პრობლემების მოგვარებას არჩევნების წინ ხმების სანაცვლოდ დაპირდნენ, თუმცა მას შემდეგ მათთან აღარავინ მისულა.

აქციის მონაწილეებს შეხვდნენ ქალაქის მერი და გაერთიანებული წყალმომარაგების კომპანიის რეგიონული მენეჯერი.

8 ივნისს საპროტესტო აქცია საბარგო სადგურზე, ზედა ქუჩის მაცხოვრებლებლებმა გამართეს, ისინი საკანალიზაციო სისტემის მონტაჟს მოითხოვდნენ. ქალაქის მერმა აქციის მონაწილეებს განუცხადა, რომ რეგიონული განვითარების ფონდიდან, პროექტისთვის 1 მლნ. ასიათასი ლარი გამოიყო. აღნიშნული დაადასტურა "გაერთიანებული წყალმომარაგების კომპანიის" რეგიონული ფილიალის მენეჯერმაც. ბორის სპაინდერაშვილმა აქციის მონაწილეებს სამუშაოების აგვისტოში დაწყების პირობა მისცა.

დეტალებს "მეცხრე არხი" მოგვიანებით შემოგთავაზებთ.