11 ივლისს დემოკრატიული ჩართულობის ცენტრებში, 2017 წლის თვითმმართველობის არჩევნებთან დაკავშირებით, მედიაცენტრები გაიხსნება.

მედიაცენტრები მოქალაქეებს, ჟურნალისტებს, არასამთავრობო ორგანიზაციებს, კანდიდატებსა და პოლიტიკურ პარტიებს, ინფორმაციის გავრცელებისა და დისკუსიებისთვის, უსაფრთხო და ნეიტრალურ სივრცეებს შესთავაზებს.

ახალციხეში მედიაცენტრი 13:00 საათზე გაიხსნება. მოხდება მედიაცენტრის პრეზენტაცია და მის ფარგლებში ჩასატარებელი ღონისძიებების დაგეგმვა.
ადგილობრივი აქტუალური საკითხების იდენტიფიცირება და შეგროვება ახალციხის სამოქალაქო სექტორის მონაწილეობით წინასაარჩევნო პერიოდში მედიაცნეტრში კანდიდატებს შორის გასამართი დებატებისა და პრეზენტაციებისთვის.

მედიაცენტრები ხელს შეუწყობს კანდიდატებსა და მათ ამომრჩევლებს შორის დიალოგის წარმართვას, რათა მოქალაქეები გაეცნონ კანდიდატების საარჩევნო პროგრამებს და ინფორმირებული არჩევანი გააკეთონ.

უფრო კონკრეტულად, მედიაცენტრებში დაგეგმილია:

• მედია ბრიფინგების ორგანიზება; კანდიდატებს შორის წინასაარჩევნო დებატების მოწყობა/ჩატარება.

• ჟურნალისტებისთვის არჩევნებთან დაკავშირებით ამომწურავი ინფორმაციის მიწოდება (ცვლილებები საარჩევნო კოდექსში; არჩევნების ადმინისტრირების, ამომრჩეველთა რეგისტრაციისა და ხმის მიცემის პროცედურები; არჩევნებში მონაწილე პარტიებისა და მათი კანდიდატების სრულყოფილი სიები და ა.შ.).

• არჩევნების დღეს სადამკვირვებლო მისიების/ორგანიზაციების ბრიფინგები ჟურნალისტების, ადგილობრივი ორგანიზაციებისა და პოლიტიკური პარტიებისათვის. ასევე, თვითმმართველობის არჩევნებში მონაწილე კანდიდატების ბრიფინგები არჩევნების მიმდინარეობის შესახებ.

მედიაცენტრებში უზრუნველყოფილი იქნება ლაივ სტრიმების განსახორციელებლად საჭირო შესაბამისი ტექნიკური აღჭურვილობა და მაღალი სიჩქარის ინტერნეტი.

მედიაცენტრების ფინანსურ მხარდაჭერას უზრუნველყოფს ამერიკის შეერთებული შტატების საერთაშორისო განვითარების სააგენტო (UშAID) სამოქალაქო საზოგადოების განვითარებისა და მოქალაქეთა ჩართულობის პროექტის (AჩჩEშშ) ფარგლებში.

ახალციხის გარდა 11 ივლისს საარჩევნო მედიაცენტრები ცხრა ქალაქის დემოკრატიული ჩართულობის ცენტრში გაიხსნება.