ოქროსა და ვერცხლის მედალოსნები ფულად ჯილდოს მიიღებენ

განათლება

17.01.2025

ადიგენის მუნიციპალიტეტის ბიუჯეტში გაწერილია წარჩინებული კურსდამთავრებულების ფინანსური დახმარება და ის გაიცემა პირზე, რომელიც აკმაყოფილებს შემდეგ კრიტერიუმებს:

ა) არის საქართელოს მოქალაქე;

ბ) ადიგენის მუნიციპალიტეტის საჯარო სკოლაში უფიქსირდება 3 წელი სწავლება და განცხადების შემოტანის მომენტისთვის სულ ცოტა ბოლო ექვსი თვის განმავლობაში რესგიტრირებულია ადიგენის მუნიციპალიტეტის ტერიტორიაზე;

გ) გადაცემული აქვს ზოგადი განათლების საშუალო საფეხურის საგანმანათლებლო პროგრამის წარჩინებით დასრულების დამადასტურებელი ოქროს ან ვერცხლის მედალოსნის სერტიფიკატი.

,,ჯილდოს ოდენობა წარჩინებულ კურსდამთავრებულზე, ზოგადი განათლების საშუალო საფეხურის საგანმანათლებლო პროგრამის წარჩინებით დასრულების დამადასტურებელი სერტიფიკატის მიხედვით, განისაზღვრება:

ა) ოქროს მედალოსნის დამადასტურებელი სერტიფიკატის შემთხვევაში ერთჯერადად - 300 ლარის ოდენობით;

ბ) ვერცხლის მედალოსნის დამადასტურებელი სერტიფიკატის შემთხვევაში ერთჯერადად - 150 ლარის ოდენობით;

ჯილდოს მისაღებად კურსდამთავრებულმა/არასრულწლოვანი კურსდამთავრებულის კანონიერმა წარმომადგენელმა უნდა წარმოადგილოს შემდეგი დოკუმენტაცია:

ა) კურსდამთავრებული/არასრულწლოვანი კურსდამთავრებულის კანონიერი წარმომადგენლის განცხადება მუნიციპალიტეტის მერის სახელზე;

ბ) კურსდამთავრებულის/არასრულწლოვანი კურსდამთავრებულის კანონიერი წარმომადგენლის პირადი საბანკო რეკვიზიტები;

გ) კურსდამთავრებულის ადიგენის მუნიციპალიტეტის ტერიტორიაზე რეგისტრირებულ სკოლაში, ბოლო სამი წლის განმავლობაში სწავლების დამადასტურებელი დოკუმენტი;

დ) კურსდამთავრებულის ზოგადი განათლების საშუალო საფეხურის საგანმანათლებლო პროგრამის წარჩინებით დასრულების დამადასტურებელი ოქროს ან ვერცხლის მედალოსნის სერტიფიკატი ან/და საგანმანათლებლო რესურსცენტრის მიერ გაცემული შესაბამისი ცნობა;

ე) კურსდამთავრებულის ზოგადი განათლების საშუალო საფეხურის საგანმანათლებლო პროგრამის წარჩინებით დასრულების დამადასტურებელი ოქროს ან ვერცხლის მედალოსნის სერტიფიკატი ან/და საგანმანათლებლო რესურსცენტრის მიერ გაცემული შესაბამისი ცნობა;

ვ) კურსდამთავრებულის ადიგენის მუნიციპალიტეტში რეგისტრაციის დამადასტურებელი დოკუმენტი (საინფორმაციო ბარათი საჯარო რეესტრიდან).