Ռուսական ցորենի արտահանման գինը մեկ տոննայի դիմաց հասել է ռեկորդային առավելագույնի։ Մեկ տոննա ցորենն արժե 340 դոլար։ Ըստ IKAR Ագրարային շուկայի հետազոտությունների ինստիտուտի գլխավոր տնօրեն Դիմիտրի Ռիլկոյի, գների նվազումը, որը սովորաբար տեղի է ունենում գյուղատնտեսական տարվա երկրորդ կեսին (հունվար-հունիս ամիսներին), այս անգամ կարող է չարձանագրվել։

«Ցորենի FOB գինը մոտեցել է բացարձակ ռեկորդի և կարելի է ասել ռեկորդային է», - ասում է Ռիլկոն։ Նա նաև նշում է.

«Հետաքրքիրն այն է, որ եթե նախկինում մինչև Ամանոր գինը բարձրանում էր ռեկորդային մակարդակի, հետո նորից նվազում էր, իսկ այսօր հակառակն է, և արտահանման գինը շարունակում է աճել»:

«Սակայն դա չի նշանակում, որ նման միտումը կկրկնվի ընթացիկ գյուղատնտեսական տարում, այսինքն՝ 2021 թվականի հուլիսից մինչև 2022 թվականի հունիսը։ «COVID-19-ը խախտում է բոլոր կանխատեսումները», - ասում է Դիմիտրի Ռիլկոն։

Նա ասաց, որ համաշխարհային գների նման աճը, ի թիվս այլ պատճառների, պայմանավորված է այն հանգամանքով, որ աշխարհում հացահատիկ արտահանողներից մեկը՝ Ավստրալիան, հեղեղվել է։ Այսպիսով, ակնկալիք կա, որ Ավստրալիայում ցորենի քանակն ու որակը կլինի անբավարար, իսկ արժեքը՝ թանկ: