Ե՞րբ կսպառվեն Վրաստան ներկրվող պատվաստանյութերի ժամկետները

Լուրեր

11.01.2022

Ամիրան Գամկրելիձեն խոսել է Վրաստանում օգտագործվող պատվաստանյութերի պիտանելիության ժամկետների մասին։ Այս թեմայի շուրջ Համակարգող խորհրդի ավարտից հետո կայացած ճեպազրույցում խոսեց Հիվանդությունների վերահսկման ազգային կենտրոնի տնօրենը։

«Երկրում այս փուլում ունենք Pfizer պատվաստանյութի մինչև 550 հազար դեղաչափ, որի վերջնաժամկետն է մարտի 31-ը։ Դեռ ունենք նաև մոտ 1,5 միլիոն «Սինոֆարմ» և «Սինովակ», որոնց վերջնաժամկետն է 2023 թվականի հունիս-հուլիս ամիսները, ճշգրիտ ամիսը չեմ հիշում։ Այսինքն՝ բավականին ժամկետային է։ Ինչ վերաբերում է նոր ձեռքբերումներին, ապա կարող ենք հաստատել, որ մենք երկար ժամանակ բանակցություններ ենք վարում Pfizer-ի հետ այս տարի լրացուցիչ 2 մլն չափաբաժին գնելու վերաբերյալ։ Խոսքը երեխաների համար նախատեսված չափաբաժինների մասին է, ինչպես գիտեք, 5-11 տարեկանների համար դեղաչափը տարբերվում է 12 տարեկանից բարձր չափաբաժնից։ Նաև խոսվում է այն մասին, որ եթե Pfizer-ը կոնկրետ պատվաստանյութ ունենար «Օմիկրոն»-ի համար, ապա Վրաստանն էլ այդ մասին հայտարարություն կաներ»,- պարզաբանել է Գամկրելիձեն։

Astrazeneca-ով պատվաստումը Վրաստանում սկսվել է 2021 թվականի մարտի 15-ին, իսկ Pfizer-ով՝ մարտի 30-ին։ Ապրիլի 3-ին երկիրը ստացել է «Սինոֆարմ» պատվաստանյութի 100 հազար դեղաչափ, այս պատվաստանյութի կիրառումը սկսվել է մայիսի 4-ից, իսկ «Սինովակ»-ով պատվաստումը սկսվել է մայիսի 24-ից։