სფეროები, სადაც ყველაზე მაღალი ხელფასებია

ეკონომიკა

05.03.2021

2020 წლის მე-4 კვარტალში ბიზნეს სექტორში საშუალო თვიური ხელფასი 1 417 ლარამდე გაიზარდა. საქსტატის მონაცემებით, ეს 12,2 ლარით მეტია გასული წლის შესაბამისი პერიოდის მაჩვენებელთან შედარებით.

სფეროებს შორის პირველ ადგილზე პროფესიული, სამეცნიერო და ტექნიკური საქმიანობებია, სადაც საშუალო ანაზღაურება თვეში 2 319 ლარია. მეორე ადგილზეა ინფორმაციისა და კომუნიკაციის სექტორი, სადაც დასაქმებულთა საშუალო ანაზღაურება 2 257 ლარს შეადგენს. ყველაზე დაბალანაზღაურებადი სფერო ამჯერად განთავსების საშუალებებით უზრუნველყოფის და საკვების მიწოდების სექტორი იყო, სადაც საშუალო ანაზღაურება 873,6 ლარია.

საშუალო ყოველთვიური ხელფასები ეკონომიკური საქმიანობის სახეების მიხედვით ასეთია:

პროფესიული, სამეცნიერო და ტექნიკური საქმიანობები - 2 319.9 ლარი
ინფორმაცია და კომუნიკაცია - 2 257.2 ლარი
ხელოვნება, გართობა და დასვენება - 2 114.3 ლარი
მშენებლობა - 2 074.4 ლარი
სამთომოპოვებითი მრეწველობა და კარიერების დამუშავება - 1 855.8 ლარი
ტრანსპორტი და დასაწყობება - 1 710.9 ლარი
ელექტროენერგიის, აირის, ორთქლის და კონდიცირებული ჰაერის მიწოდება - 1 548.6 ლარი
დამამუშავებელი მრეწველობა - 1 261.4 ლარი
საბითუმო და საცალო ვაჭრობა; ავტომობილების და მოტოციკლების რემონტი - 1 243.5 ლარი
უძრავ ქონებასთან დაკავშირებული საქმიანობები - 1 165.8 ლარი
ჯანდაცვა და სოციალური მომსახურების საქმიანობები - 1 130.3 ლარი
განათლება - 1 106.4 ლარი
წყალმომარაგება; კანალიზაცია, ნარჩენების მართვა და დაბინძურებისაგან გასუფთავების საქმიანობები - 1 092.4 ლარი
სოფლის, სატყეო და თევზის მეურნეობა - 1 006.3 ლარი
ადმინისტრაციული და დამხმარე მომსახურების საქმიანობები - 903.6 ლარი
განთავსების საშუალებებით უზრუნველყოფის და საკვების მიწოდების საქმიანობები - 873.6 ლარი.

თეგები: საქსტატი / საშუალო ხელფასი /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.