საპროტესტო აქციების გადაყვანა გაფიცვის რეჟიმში ემსახურება ხელისუფლებაზე ზეწოლის გაზრდას - ეკონომისტი

ეკონომიკა

17.01.2025

საპროტესტო აქციების გადაყვანა გაფიცვის რეჟიმში ემსახურება ხელისუფლებაზე ზეწოლის გაზრდას, რამაც ეკონომიკური ზრდის ტემპების შენელებით, უნდა შექმნას პრობლემები დასაქმებაშიც და საბიუჯეტო შემოსავლებშიც. შიდა და გარე პრესინგის ამ პოლიტიკური მდგენელის ამოცანაც ეს არის აიძულონ „ქართული ოცნება“ დანიშნოს ახალი არჩევნები ანუ მოახდინოს ხელისუფლების გადაბარება. სულ ეს არის ამ ბოლო ორთვიანი პროტესტის ანიც და ჰოეც, - წერს ეკონომიკის ექსპერტი გიორგი ცუცქირიძე სოციალურ ქსელში.

მისივე თქმით, პოლიტიკური დაძაბულობა ზეგავლენას ახდენს ეკონომიკაზე, პირველ რიგში პირდაპირ უცხოურ ინვესტიციებზე და რეინვესტირების მაჩვენებლებზე.

„პოლიტიკური ფაქტორის გარეშე ზრდა 2024 წელსაც ორნიშნა მაჩვენებელზე 10-10.5 % ის ფარგლებში იქნებოდა. საპროტესტო აქციების გადაყვანაც გაფიცვის რეჟიმში ემსახურება ხელისუფლებაზე ზეწოლის გაზრდას, რამაც ეკონომიკური ზრდის ტემპების შენელებით, უნდა შექმნას პრობლემები დასაქმებაშიც და საბიუჯეტო შემოსავლებშიც.

შიდა და გარე პრესინგის ამ პოლიტიკური მდგენელის ამოცანაც ეს არის აიძულონ „ქართული ოცნება“ დანიშნოს ახალი არჩევნები ანუ მოახდინოს ხელისუფლების გადაბარება. სულ ეს არის ამ ბოლო ორთვიანი პროტესტის ანიც და ჰოეც. არანაკლებ საინტერესოა უახლოესი წლების ზრდის პროგნოზიც, მსოფლიო ბანკის შეფასებით ეკონომიკა 2025 წელს 6%-ით, 2026 წელს კი 5%-ით იზრდება და მაჩვენებლებითაც საქართველო ლიდერია ევროპისა და ცენტრალური აზიის რეგიონში.

ამასთან, ზრდის რეალური ფონი უფრო მაღალი იქნება, მსოფლიო ბანკის ზრდის წინასწარი პროგნოზები კონსერვატორულ მიდგომებზე იგება, რაც ხშირად უფრო დაბალია ვიდრე დამდგარი შედეგები. თვალსაჩინოებისათვის მსოფლიო ბანკის 2023-2024 წლების საპროგნოზო მაჩვენებლები 4.5 - 5.5 % ის ფარგლებში იყო“, - წერს გიორგი ცუცქირიძე.