2022-23 წლებში საქართველოში საცხოვრებლად რუსეთის 114 900 მოქალაქე ჩამოვიდა - IDFI

საზოგადოება

13.10.2024

2022-2023 წლებში საქართველოში საცხოვრებლად ჩამოვიდა რუსეთის 114 900 მოქალაქე, - ამის შესახებ კვლევას ინფორმაციის თავისუფლების განვითარების ინსტიტუტი (IDFI) აქვეყნებს.

IDFI კვლევის თანახმად, საანგარიშო პერიოდში აღნიშნული პირებიდან საქართველო რუსეთის 41.3-მდე მოქალაქემ დატოვა, საცხოვრებლად კი 73.7 ათასი მოქალაქე დარჩა.

„2022-2023 წლებში ემიგრაციაში წავიდა 118 ათასით მეტი საქართველოს მოქალაქე,ვიდრე დაბრუნდა უკან სამშობლოში. ამავე დროს საქართველოში საცხოვრებლად დარჩა 73.7 ათასი რუსეთის მოქალაქე“, - აღნიშნულია კვლევაში.

ამავე მონაცემების თანახმად, 2022-2023 წლებში ემიგრაციაში საქართველოს 264.3 ათასი მოქალაქე წავიდა, საიდანაც 146.3 ათასი დაბრუნდა, 118 ათასი მოქალაქე კი დარჩა.

2022-2023 წლებში ემიგრაციაში საქართველოს 264.3 ათასი მოქალაქე წავიდა, საიდანაც 146.3 ათასი დაბრუნდა, 118 ათასი მოქალაქე კი დარჩა. ამის შესახებ მონაცემებს „ინფორმაციის თავისუფლების განვითარების ინსტიტუტი“ (IDFI) ავრცელებს.

კვლევის თანახმად, მხოლოდ 2022 წელს ემიგრაციაში საქართველოდან 100 802 მოქალაქე წავიდა, საიდანაც 54 405 ქვეყანაში დაბრუნდა. აღსანიშნავია ისიც, რომ 2023 წელს ემიგრაციის მაჩვენებელი ბოლო 10 წლის მაქსიმუმზე იყო. ასე მაგალითად, გასულ წელს ქვეყანა დატოვა 163 480 მოქალაქემ, საიდანაც 91 896 დაბრუნდა.

IDFI-ის ცნობით, 2023 წელს ქვეყნიდან წასული მოქალაქეების უდიდესი ნაწილი - 70% (114 438 მოქალაქე) 30 წლამდე ასაკის პირია, მათ შორის 43% (70 003) კი ბავშვია.

„საქსტატის მონაცემებით, ბოლო 10 წელში (2014-2023) ემიგრაციაში წავიდა 815 608 მოქალაქე, ხოლო საქართველოში დაბრუნდა 265 ათასით ნაკლები - 550 919 პირი.

გაეროს მონაცემებით, 2020 წელს ემიგრაციაში ცხოვრობდა საქართველოში დაბადებული 861 077 პირი. არსებული დინამიკის გათვალისწინებით მათი რიცხვი 2024 წელს მილიონამდე გაიზრდება“, - აღნიშნულია კვლევაში.