სამცხე-ჯავახეთში უკანონო თევზჭერის ფაქტები გამოვლინდა

სამართალი

25.10.2023

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა ელექტროშოკური მოწყობილობით უკანონო თევზჭერის 5 ფაქტი გამოავლინეს.

სამართალდარღვევები გამოვლენილია ქვემო ქართლში, სამცხე-ჯავახეთში, იმერეთსა და შიდა ქართლში.

ახალციხის მუნიციპალიტეტის სოფელ აწყურის მიმდებარედ, მდინარე მტკვარზე, მოქალაქეს, თევზჭერის აკრძალული საშუალების - ელექტროშოკური მოწყობილობის გამოყენებით, უკანონოდ ჰქონდა მოპოვებული 7,280 კგ სხვადასხვა სახეობის თევზი.

მარნეულის მუნიციპალიტეტის სოფელ თეკალის მიმდებარედ, მდინარე დებედას კალაპოტში, მოქალაქეები ელექტროშოკური მოწყობილობისა და მოსასმელი ბადის გამოყენებით ახდენდნენ უკანონო თევზჭერას. სამართალდამრღვევებს მოპოვებული ჰქონდათ 1 კგ-მდე სხვადასხვა სახეობის თევზი.

ვანის მუნიციპალიტეტის სოფელ ამაღლებაში, მოქალაქე, მდინარე რიონზე ახდენდა თევზჭერას ელექტროშოკური მოწყობილობის გამოყენებით.
ქარელის მუნიციპალიტეტის სოფელ ახალსოფლის, ასევე ხაშურის მუნიციპალიტეტის სოფელ გომის მიმდებარედ, მდინარე მტკვრის კალაპოტში, მოქალაქეები, გასაბერი ნავებიდან თევზჭერისას, ასევე იყენებდნენ ელექტროშოკურ მოწყობილობებს.

უკანონოდ მოპოვებული თევზი, ასევე ნავები და თევზჭერის აკრძალული საშუალებები დაილუქა. სამართალდამრღვევების მიმართ შედგა შესაბამისი დოკუმენტაცია.

თეგები: აწყური / უკანონო თევზჭერა /

Հեղինակ:

მეცხრე არხი

Երկ.

Երեք.

Չոր.

Հինգ.

Ուրբ.

Շաբ.

Կիր.