უკრაინაში 6 აპრილი გლოვის დღედ გამოცხადდა

რეგიონი

05.04.2025

უკრაინაში 6 აპრილი გლოვის დღედ გამოცხადდა. ამის შესახებ უკრაინის ვიცე-პრემიერი ალექსეი კულება სოციალურ ქსელში წერს.

„დაზარალებულებისა და მათი ოჯახების სოლიდარობის ნიშნად ხვალ გამოცხადდება გლოვის დღე. კიევიდან ოდესამდე, კრამატორსკიდან უჟგოროდამდე – ქალაქებში დროშები დაშვებული იქნება და სიჩუმე იქნება“, - წერს კულება.

შეგახსენებთ, რომ 4 აპრილს რუსეთმა იერიში მიიტანა კრივოი როგზე. თავდასხმის შედეგად, 18 ადამიანია დაღუპული, რომელთა შორისაც ცხრა ბავშვია. დაშავებულია 61 ადამიანი.

უკრაინის პრეზიდენტის, ვოლოდიმირ ზელენსკის განცხადებით, დუმილი მხოლოდ აქეზებს რუსეთს, გააგრძელოს ომი და იგნორირება მოახდინოს დიპლომატიაზე. ამის შესახებ მან ყოველდღიურ ვიდეომიმართვაში განაცხადა.

„მსოფლიოში ბევრმა გამოხატა თავისი პოზიცია კრივოი როგზე დარტყმის შემდეგ, პოზიცია რუსული ტერორის მკაფიო უარყოფაზე. ყველას, ვინც ამას ხედავს და არ ხუჭავს თვალებს, არამედ მკაფიოდ და ნათლად ამბობს სიმართლეს, არა მხოლოდ უკრაინა, არამედ მთელი მსოფლიო უნდა იყოს მადლიერი. გაჩუმება იმის შესახებ, რომ სწორედ რუსეთი კლავს ბავშვებს – ეს არასწორია, ეს სახიფათოა.

ამიტომ, მადლობელი ვარ ყველა ქვეყნისა, რომლის წარმომადგენლებმაც გამოთქვეს აზრი: ლიდერებმა, საგარეო საქმეთა მინისტრებმა, საელჩოებმა. რუსეთი უნდა აგებდეს პასუხს ყველაფრისთვის, რაც ჩაიდინა, და მათზე ზეწოლა უნდა განხორციელდეს – ნამდვილი ზეწოლა, დროის ფუჭად კარგვის გარეშე ცარიელ საუბრებში, რათა ეს ომი დასრულდეს“, – თქვა ზელენსკიმ.

თეგები: გლოვის დღე / კრივოი როგი /

Հեղինակ:

Tv9news

Երկ.

Երեք.

Չոր.

Հինգ.

Ուրբ.

Շաբ.

Կիր.