გველი, სელაპი, ბაყაყის თათები - ეგზოტიკური პროდუქტები, რომელსაც საქართველო ყიდულობს

ეკონომიკა

10:19 / 19.02.2020

საქართველოს სტატისტიკის ეროვნული სამსახურის ინფორმაციით, 2019 წლის მე-4 კვარტლის მონაცემებით, საქართველოში შემდეგი სახის ეგზოტიკური პროდუქტების იმპორტი განხორციელდა:

ცოცხალი რეპტილიები (გველის და კუს ჩათვლით) - 4.9 ათასი აშშ დოლარი;
შინაური მტრედების, მწყერების, სელაპების, ირმების, ბაყაყის თათების და ა.შ. ხორცი და ხორცის საკვები სუბპროდუქტები (ახალი, გაცივებული ან გაყინული) - 0.8 ათასი აშშ დოლარი;
რვაფეხები (Octoрus sрр.) ცოცხალი, ახალი ან გაცივებული - 4.7 ათასი აშშ დოლარი
დანარჩენი რვაფეხები (Octoрus sрр.) ცოცხალი, ახალი ან გაცივებულის გარდა - 4.5 ათასი აშშ დოლარი;
კუს ჯავშანი, ვეშაპის ან ზღვის სხვა ძუძუმწოვრების ულვაში, რქები, ირმის რქები, ჩლიქები, ფრჩხილები, ბრჭყალები და ნისკარტები, ამ პროდუქტების ფხვნილი და ნარჩენები - 0.3 ათასი აშშ დოლარი.

საქართველოში ასევე ხორციელდება, ცოცხალი პრიმატების, ცოცხალი აქლემების და სხვა აქლემისნაირნის, ლოკოკინების იმპორტი. 2019 წლის მე-4 კვარტალში აღნიშნული პროდუქტები არ შემოსულა ქვეყანაში, მაგრამ „საქსტატის“ ბოლო მონაცემებით, ლოკოკინების (ლიპარისის გარდა) იმპორტმა - 2019 წლის მე-3 კვარტალში - 2.7 ათასი აშშ დოლარი; მე-2 კვარტალში ცოცხალი პრიმატების ექსპორტმა 1.9 ათასი აშშ დოლარი; ცოცხალი აქლემების და სხვა აქლემისნაირნის (Camelidae) იმპორტმა კი მე-3 კვარტალში - 40.9 ათასი აშშ დოლარი შეადგინა.

წყარო: bpn.ge

| Print |

თეგები: საქსტატი / იმპორტი / ეგზოტიკური პროდუქტები /

ავტორი:

მეცხრე არხი