ეკონომიკა
საპარტნიორო ფონდი "ბორჯომი-ლიკანის” გაყიდვას კიდევ ერთხელ, რამდენიმე მილიონით იაფად შეეცდება
„საპარტნიორო ფონდმა“ სასტუმრო „ბორჯომი ლიკანის“ შემდგომი განვითარების მიზნით, საჯარო აუქციონი მესამედ გამოაცხადა.

ფასი იმაზე ბევრად ნაკლები იქნება, ვიდრე პირველი და მეორე აქციონების შემთხვევაში იყო. ამჯერად სასტუმროს საწყისი ღირებულება 24 041 861 აშშ დოლარია, მაშინ, როცა თავდაპირველ აუქციონზე (2019 წლის ნოემბერი) საწყისი ღირებულება - 37 565 408 აშშ დოლარი, მეორე აუქციონზე კი, რომელიც 2020 წლის 4 სექტემბერს გაიმართა, სასტუმროს საწყისი ფასი 30 052 326 აშშ დოლარით განისაზღვრა.

როგორც „საპარტნიორო ფონდის“ მიერ გავრცელებულ განცხადებაშია აღნიშნული, აუქციონი 2021 წლის 2 აგვისტოს გაიმართება.

„საპარტნიორო ფონდი“ პოტენციურ ინვესტორებს სთავაზობს სასტუმროს აქტივების 10-წლიან აღნაგობა/იჯარას, შესყიდვის უფლებასთან ერთად. სასტუმრო „ბორჯომი ლიკანის“ შესყიდვის მინიმალური საწყისი ფასი 24 041 861 აშშ დოლარია. აღსანიშნავია, რომ ეს წარმოადგენს მხოლოდ შესყიდვის შემთხვევაში გადასახდელ თანხას და არა - იჯარის ან აღნაგობის საფასურს. იჯარის და აღნაგობის წლიური ქირა/საფასურია აუქციონში დაფიქსირებული შესყიდვის ფასის 8%.

აუქციონის პირობების გაცნობა ნებისმიერ დაინტერესებულ პირს უკვე დღეიდან შეეძლება ელექტრონულ მისამართზე: www.eauction.ge, აუქციონის განაცხადის ნომერი: 117207RBS72121821, ლოტის ნომერი: 721218, აუქციონის ნომერი: 117207.

სასტუმრო „ბორჯომი ლიკანის“ კუთვნილებაში 156 600 კვ.მ მიწის ფართობი და სასტუმროს შენობა-ნაგებობები შედის. „საპარტნიორო ფონდის“ საკუთრებაში რჩება მიმდებარე მიწის ნაკვეთი - 234 425 კვ.მ, მისი შემდგომი განვითარების მიზნით, ფონდი მზადაა, ინვესტორების დაინტერესების შემთხვევაში, საინვესტიციო პროექტები განიხილოს. აღსანიშნავია, რომ სასტუმროს ტერიტორიას ესაზღვრება სახელმწიფოს საკუთრებაში არსებული „რომანოვების სასახლე“ და 8 ჰა-მდე ისტორიული პარკი, სადაც რესტავრაცია-რეაბილიტაციის პროცესის დასრულებისთანავე იგეგმება მასშტაბური სამუზეუმო კომპლექსის შექმნა.

საჯარო აუქციონი 2021 წლის 2 აგვისტოს, 14:00 საათზე, „საპარტნიორო ფონდის“ ოფისში გაიმართება. სასტუმრო „ბორჯომი ლიკანის“ ახალი მესაკუთრე ან მოიჯარე აუქციონის წესით გამოვლინდება“,
- აღნიშნულია განცხადებაში.

„ბორჯომი ლიკანი“ 5-ვარსკვლავიანი სასტუმროა, სულ 151 ნომრით. აუდიტორული ანგარიშგების მიხედვით, სს “ბორჯომი ლიკანი ინტერნეიშენალმა” 2019 წელი 9,912-მილიონიანი ზარალით დაასრულა, 2020 წელი კი 4,458 მლნ ლარის ზარალით.

„საპარტნიორო ფონდი“ „ბორჯომი ლიკანის“ 100%-იან წილს 2018 წლის ზაფხულიდან ფლობს. სწორედ იმ პერიოდში ქართულმა მხარემ ყაზახი პარტნიორებისგან 50%-იანი წილი გამოისყიდა.
Facebook Twitter
სხვა სიახლეები
ამინდი
ახალციხე 10 °C
img
ახალქალაქი 4 °C
img
ასპინძა 8 °C
img
ადიგენი 16 °C
img
ბორჯომი 9 °C
img
თბილისი 14 °C
img
აბასთუმანი 5 °C
img
ბაკურიანი 3 °C
img
ნინოწმინდა 4 °C
img
ვალუტა
EUR
EUR
1
3.6481
RUB
RUB
100
4.2919
TRY
TRY
1
0.3527
USD
USD
1
3.1172
AMD
AMD
1000
6.4739
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.