ეკონომიკა
127 000 კგ-ზე მეტი უკან გაბრუნებული კარტოფილი - სად ვყიდულობთ პროდუქტს?
13:39 / 15.08.2021
2021 წლის იანვრიდან დღემდე საქართველოში შემოტანილი 127 800 კგ დაავადებული კარტოფილი უკან, ექსპორტიორ ქვეყანაში გაბრუნდა.
აგვისტოში, ფინანსთა სამინისტროს შემოსავლების სამსახურის საბაჟო გამშვებ პუნქტში „სარფი“, საერთო ჯამში, 52 000 კილოგრამი დაავადებული კარტოფილით დატვირთული 2 ავტოსატრანსპორტო საშუალება იქნა შეჩერებული. უწყების ინფორმაციით, ფიტოსანიტარიული სასაზღვრო-საკარანტინო კონტროლის პროცედურების განხორციელებისას, იმპორტირებული კარტოფილის შიგთავსიდან აღებული ნიმუშების ლაბორატორიული კვლევის შედეგად, ჯანმრთელობისთვის საშიში საკარანტინო მავნე ორგანიზმები გამოვლინდა. საქართველოს მთავრობის N463 დადგენილების თანახმად, აღნიშნული ტვირთები უკან, ექსპორტიორ ქვეყანაში გაბრუნებას დაექვემდებარა.
მანამდე ექსპორტიორ ქვეყანას საქართველოს საზღვრიდან 26 800 კილოგრამი კარტოფილი დაუბრუნდა, აქაც მიზეზი პროდუქტში მავნე ნივთიერებების აღმოჩენა იყო.
2021 წლის თებერვალში კი საქართველოდან კარტოფილი მწარმოებელ ქვეყანას ორჯერ დაუბრუნდა, ერთხელ - 24 500 კილოგრამი და მეორედაც 24 500 კილოგრამი. ორივე შემთხვევაში პროდუქტში საკარანტინო მავნე ორგანიზმის (Synchytrium endobioticum) არსებობა დადასტურდა.
საქსტატის მონაცემებით, 2021 წლის იანვარ-ივნისში საქართველომ 6 600 ტონა ახალი ან შეყინული კარტოფილი იყიდა, ჯამში 1 441 000 დოლარის ღირებულების. წელს იმპორტი 9 ქვეყნიდან განხორციელდა, ყველაზე დიდი რაოდენობით კარტოფილი კი თურქეთიდან შემოვიდა.
5 ქვეყანა, სადაც საქართველომ წელს ყველაზე დიდი რაოდენობით კარტოფილი იყიდა:
აგვისტოში, ფინანსთა სამინისტროს შემოსავლების სამსახურის საბაჟო გამშვებ პუნქტში „სარფი“, საერთო ჯამში, 52 000 კილოგრამი დაავადებული კარტოფილით დატვირთული 2 ავტოსატრანსპორტო საშუალება იქნა შეჩერებული. უწყების ინფორმაციით, ფიტოსანიტარიული სასაზღვრო-საკარანტინო კონტროლის პროცედურების განხორციელებისას, იმპორტირებული კარტოფილის შიგთავსიდან აღებული ნიმუშების ლაბორატორიული კვლევის შედეგად, ჯანმრთელობისთვის საშიში საკარანტინო მავნე ორგანიზმები გამოვლინდა. საქართველოს მთავრობის N463 დადგენილების თანახმად, აღნიშნული ტვირთები უკან, ექსპორტიორ ქვეყანაში გაბრუნებას დაექვემდებარა.
მანამდე ექსპორტიორ ქვეყანას საქართველოს საზღვრიდან 26 800 კილოგრამი კარტოფილი დაუბრუნდა, აქაც მიზეზი პროდუქტში მავნე ნივთიერებების აღმოჩენა იყო.
2021 წლის თებერვალში კი საქართველოდან კარტოფილი მწარმოებელ ქვეყანას ორჯერ დაუბრუნდა, ერთხელ - 24 500 კილოგრამი და მეორედაც 24 500 კილოგრამი. ორივე შემთხვევაში პროდუქტში საკარანტინო მავნე ორგანიზმის (Synchytrium endobioticum) არსებობა დადასტურდა.
საქსტატის მონაცემებით, 2021 წლის იანვარ-ივნისში საქართველომ 6 600 ტონა ახალი ან შეყინული კარტოფილი იყიდა, ჯამში 1 441 000 დოლარის ღირებულების. წელს იმპორტი 9 ქვეყნიდან განხორციელდა, ყველაზე დიდი რაოდენობით კარტოფილი კი თურქეთიდან შემოვიდა.
5 ქვეყანა, სადაც საქართველომ წელს ყველაზე დიდი რაოდენობით კარტოფილი იყიდა:
- თურქეთი - 5 361 ტონა (498,4 ათასი დოლარი)
- ნიდერლანდები - 635,3 ტონა (507,4 ათასი დოლარი)
- გერმანია - 350 ტონა (308,8 ათასი დოლარი)
- დანია - 91,2 ტონა (58,8 ათასი დოლარი)
- აზერბაიჯანი - 68,6 ტონა (29,4 ათასი დოლარი)