ეკონომიკა
საქართველო ყველაზე ძვირად დენს რუსეთში ყიდულობს - რა უჯდება ქვეყანას ელექტროენერგიის იმპორტი
ბოლო წლების განმავლობაში საქართველო ყოველწლიურად საშუალოდ 65-78 მილიონი დოლარის ელექტროენერგიას ყიდულობს. მთავარი იმპორტიორები მეზობელი ქვეყნები - რუსეთი, თურქეთი და აზერბაიჯანია.

რაც შეეხება მიმდინარე წელს, 2021 წლის 9 თვეში დენის იმპორტში საქართველომ 37.113 მლნ დოლარი გადაიხადა. მათ შორის, აზერბაიჯანიდან იმპორტი 23.351 მლნ დოლარი დაგვიჯდა, რუსეთიდან - 7.001 მლნ დოლარი და თურქეთიდან 6.753 მლნ დოლარი. თუ გავითვალისწინებთ შესყიდული ელექტროენერგიის მოცულობას და გადახდილ თანხას, ქვეყანამ ყველაზე ძვირად დენი რუსეთში შეიძინა - ერთი კვტ.სთ საშუალოდ 5.5 ცენტი დაუჯდა.

უფრო კონკრეტულად, წელს საქართველოში რუსეთიდან ჯამში 1049.4 მლნ კვტ.სთ დენის იმპორტი განხორციელდა, აქედან 923.7 მლნ კვტ.სთ ელექტროენერგია აფხაზეთს მიეწოდა, (ამ თანხას საქართველოს მთავრობა არ იხდის). შესაბამისად, საქართველოს ხელისუფლების მიერ კონტროლირებად ტერიტორიას რუსული დენის მხოლოდ მცირე ნაწილი - 125.7 მლნ კვტ.სთ მოხმარდა. თუ 9 თვის განმავლობაში იმპორტში გადახდილ თანხას ავიღებთ, გამოვა, რომ ქვეყანამ კვტ.სთ რუსული დენი 5.5 ცენტად იყიდა.

რაც შეეხება აზერბაიჯანიდან იმპორტს, წელს 9 თვეში საქართველომ მეზობელ ქვეყანაში 23.351 მლნ დოლარის დენი იყიდა, ჯამში 505.5 მლნ კვტ.სთ, ანუ ერთი კვტ.სთ-ს შესყიდვა საშუალოდ 4.6 ცენტი დაუჯდა. თურქეთიდან შესყიდული 161.2 მლნ კვტ.სთ ელექტროენერგიაში კი 6.753 მლნ დოლარი გადავიხადეთ, საშუალოდ, კვტ.სთ 4.1 ცენტად ვიყიდეთ.

2017-2020 წელს იმპორტირებული ელექტროენერგიის მოცულობა კი ასე გამოიყურება:
  • 2017 წელი - შესყიდული ელექტროენერგია - 1497.2 მლნ კვტ.სთ (66.706 მლნ დოლარი)
  • 2018 წელი - შესყიდული ელექტროენერგია - 1508.8 მლნ კვტ.სთ (77.773 მლნ დოლარი)
  • 2019 წელი - შესყიდული ელექტროენერგია - 1626.5 მლნ კვტ.სთ (78.327 მლნ დოლარი)
  • 2020 წელი - შესყიდული ელექტროენერგია - 1610.1 მლნ კვტ.სთ (64.514 მლნ დოლარი)
ამ რიცხვებიდან გამოდის, რომ ქვეყანა წლიურად ერთ კვტ.სთ ელექტროენერგიას საშუალოდ 4-5.1 ცენტად ყიდულობს.

ცნობისათვის, იმპორტირებული დენის ფასი შედგება დღის, ღამის და უქმე დღეების ტარიფის შეწონვიდან. ზემოთ აღნიშნული მონაცემი, ანუ ტარიფი გამოყვანილია საშუალო მაჩვენებლიდან და არ ასახავს დღის/ღამის და უქმეების ტარიფს.
Facebook Twitter
განტვირთვა
ამინდი
ახალციხე 9 °C
img
ახალქალაქი 4 °C
img
ასპინძა 7 °C
img
ადიგენი 17 °C
img
ბორჯომი 10 °C
img
თბილისი 11 °C
img
აბასთუმანი 7 °C
img
ბაკურიანი 6 °C
img
ნინოწმინდა 4 °C
img
ვალუტა
EUR
EUR
1
3.4849
RUB
RUB
100
4.1200
TRY
TRY
1
0.2441
USD
USD
1
3.0867
AMD
AMD
1000
6.3578
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the author/authors and those providing comments are theirs only and do not necessarily reflect the position of the Foundation or the Center. Therefore, the Open Society Georgia Foundation and Georgian Center for Strategy and Development are not responsible for the content of the information material.