რეპატრირებულ მესხებს განათლების მიღების დროს პრობლემები ექმნებათ. მათ უმეტესობას მოქალაქეობა არ გააჩნია, რის გამოც ბავშვების სკოლებში დარეგისტრირება ვერ ხერხდება. სირთულეები ატესტატის მიღების პროცესსაც ახლავს. მამუკა ხუციშვილი ერთ–ერთი პირველია, რომელიც ისტორიულ სამშობლოში დაბრუნდა. ამბობს, რომ განათლების სამინისტრო რეპატრირებული მესხებისთვის სპეციალურ საგანმანათლებლო პროექტებს არ ახორციელებს, რაც საზოგადოებაში მათ ინტეგრაციას კიდევ უფრო ართულებს.

რეპატრირებულ მესხებს განათლების მიღების დროს პრობლემები ექმნებათ. მათ უმეტესობას მოქალაქეობა არ გააჩნია, რის გამოც ბავშვების სკოლებში დარეგისტრირება ვერ ხერხდება. სირთულეები ატესტატის მიღების პროცესსაც ახლავს.

მამუკა ხუციშვილი ერთ–ერთი პირველია, რომელიც ისტორიულ სამშობლოში დაბრუნდა. ამბობს, რომ განათლების სამინისტრო რეპატრირებული მესხებისთვის სპეციალურ საგანმანათლებლო პროექტებს არ ახორციელებს, რაც საზოგადოებაში მათ ინტეგრაციას კიდევ უფრო ართულებს.

სტატუსის უქონლობის გამო ახალგაზრდები ატესტატის მიღებას ვერ ახერხებენ, რის გამოც მათი ნაწილი სწავლას თავს ანებებს. ადგილობრივი რეპატრირებული მესხი ნარგიზა სულეიმანოვა იმედოვნებს, რომ მათთვის საატესტატო გამოცდების სპეციალური პროგრამა მომზადდება.
ასოციაცია ტოლერანტში განმარტავენ, რომ რეპატრირებული მესხების ნაწილს საქართველოს მოქალაქეობა არ გააჩნია. მათ სტატუსის მიღებაში ხელს მოუწესრიგებელი დოკუმენტაცია უშლით. ცირა მესხიშვილის თქმით, მესამე სექტორის ჩარევის შემდეგ იძულებით გადაადგილებულ პირთა, ლტოლვილთა და განსახლების სამინისტრომ მაჰმადიან მესხთა გარკვეულ ნაწილს დროებითი მოქალაქეობის სტატუსი მიანიჭა. სამართლებრივი პრობლემის გარდა, ცირა მესხიშვილი ყოფით პრობლემებზე ამახვილებს ყურადღებას.
მიუხედავად იმისა, რომ სახელმწიფომ განათლების პრობლემის გადასაჭრელად რეპატრირებულ მესხებს დროებითი ბინადრობის სტატუსი მიანიჭა, საქართველოში მაინც რჩებიან ახალგაზრდები, რომლებმაც სკოლა ატესტატის გარეშე დაამთავრეს.