გამოცდის ორივე სესიამ მშვიდ ვითარებაში ჩაიარა - გელა ინასარიძე
17:44 / 03.07.2023
დღეს ერთიანი ეროვნული გამოცდები ქართული ენისა და ლიტერატურის საგნით დაიწყო. გამოცდა ორ სესიად ჩატარდა ახალციხის საგამოცდო ცენტრის ინფორმაციით, ტესტირება მშვიდ ვითარებაში ჩაიარა.
ორივე სესიაზე 437 აბიტურიენტი იყო რეგისტრირებული. ჯამში ორივე სესიაზე 18 აპლიკანტი არ გამოცხადდა.
აბიტურიენტებს გამოცდის დასაწერად სამი საათი აქვთ. ეროვნული გამოცდები ხვალაც ქართული ენისა და ლიტერატურის საგნით გაგრძელდება.
სამცხე-ჯავახეთის საგამოცდო ცენტრი ახალციხის პირველ საჯარო სკოლაშია მოწყობილი.
საქართველოში სულ 24 საგამოცდო ცენტრი ფუნქციონირებს. ერთიან ეროვნულ გამოცდებზე ქვეყნის მასშტაბით, 45 000-ზე მეტი აბიტურიენტია რეგისტრირებული.