ახალციხის N7 საჯარო სკოლაში, დედაენის დღისადმი მიძღვნილი ღონისძიება გაიმართა.
აღსაზრდელებმა ხელნაკეთი ყვავილების გამოფენა და იაკობ გოგებაშვილის მოთხრობების მიხედვით თეატრალური წარმოდგენა მოაწყვეს. გაიმართა ანიმაციური ფილმების ჩვენება.
ღონისძიებას სამცხე-ჯავახეთის გუბერნატორი, ახალციხის მუნიციპალიტეტის მერიისა და საკრებულოს პირველი პირები, საგანმანათლებლო რესურსცენტრის უფროსი და ინკლუზიური განვითარების ხელშეწყობის პროგრამის წარმომადგენლები ესწრებოდნენ.
სტუმრებმა სკოლის აღსაზრდელებს ტკბილეული, წიგნები და საკანცელარიო ნივთები უსახსოვრეს.