შეჭირვებული ოჯახები, რომლებსაც სახელმწიფო დახმარება არ ჰყოფნით ან ვერ იღებენ, საქველმოქმედო ორგანიზაციების იმედად არიან. ასეთია სამცხე-ჯავახეთში შექმნილი ფონდი „ერთად შევძლებთ“, რომელიც ორი წლის წინ, ახალციხელებმა დააარსეს. აქტივისტები აგროვებენ სურსათს, ფულს, ტანისამოსსა და ავეჯს, შემდეგ კი უკიდურეს გაჭირვებაში მყოფ პირებს ეხმარებიან. როგორ ცხოვრობენ ფონდის იმედად დარჩენილი მოქალაქეები - ინტერვიუ ბიბი გოგოლაძესთან.