სამწუხაროა, რომ სახელმწიფო მოქალაქეებს უმცირესობად და უმრავლესობად ყოფს - TDI
20:38 / 26.12.2020
საგანგაშოდ და შემაშფოთებლად მიგვაჩნია საქართველოს ხელისუფლების ბოლოდროინდელი დამოკიდებულება რწმენისა და რელიგიის თავისუფლების ფუნდამენტური უფლების მიმართ - ასე გამოეხმაურა „ტოლერანტობის და მრავალფეროვნების ინსტიტუტი“ ხელისუფლების გადაწყვეტილებას, რომ ღამით გადაადგილების შეზღუდვა მხოლოდ მართლმადიდებლური შობის დღესასწაულზე მოიხსნას. გავრცელებულ განცხადებაში, ორგანიზაცია აცხადებს, რომ ხელისუფლება ხელყოფს რელიგიის თავისუფლებას და აღრმავებს დისკრიმინაციას რელიგიურ ჯგუფებს შორის. გამგეობის წევრს ესაუბრა ჩვენი ჟურნალისტი.