ჯანდაცვა
ყირიმ-კონგოს დიაგნოზით, ახალქალაქში ახალგაზრდა მამაკაცი გარდაიცვალა
00:42 / 09.05.2020
ყირიმ-კონგოს ჰემორაგიული ცხელება გახდა 23 წლის ბ.კ.-ს გარდაცვალების მიზეზი ბოჭორიშვილის კლინიკაში. ახალგაზრდა მამაკაცი ახალქალაქის ერთ-ერთ სოფელში ცხოვრობდა. ახლობლების თქმით, ტკიპამ სავარაუდოდ, საკუთარ ეზოში მაშინ უკბინა, როცა პირუტყვს მწერებისგან ასუფთავებდა.
„გვიან თქვა, რომ შეუძლოდ გრძნობდა თავს. სისხლი მოეწამლა, მთელმა სოფელმა გადაუსხა, მაგრამ ვერ გადარჩა. ექიმებმა თქვეს, დაგვიანებული იყოო. სანამ თბილისში წაიყვანდნენ, ახალქალაქის კლინიკაში იყო. ფილტვების ანთებაზე მკურნალობდნენ. 23 აპრილს ოქროს დაბადების დღე ჰქონდა, 24-ში დილით გარდაიცვალა“, - გვიყვება ახლობელი.
ახალქალაქის კლინიკაში გვითხრეს, რომ პაციენტი შეყვანიდან რამდენიმე საათში თბილისში გაწერეს. ახალქალაქის კლინიკაში გვითხრეს, რომ პაციენტმა მათთან რამდენიმე საათი დაჰყო.
„შემოყვანისთანავე დაუდგინდა სისხლის მოწამვლა. მაშინვე გამოიძახეს რეფერალური დახმარება, რადგან შინაგანი სისხლდენა იყო და ვერ უჩერებდნენ. პირდაპირ წაიყვანეს თბილისში. ფილტვების ანთებაზე მკურნალობა ჩვენთან არ მომხდარა“.
ბოჭორიშვილის კლინიკაში ამბობენ, რომ პაციენტი მათთან უმძიმესი მდგომარეობით შეიყვანეს.
"როგორც ვიცი, ყირიმ-კონგო ლაბორატორიულად რეგიონშივე დაუდასტურდა, საიდანაც ქართულ-გერმანულ კლინიკაში გადაიყვანეს. აპარატზე მიერთებული, უმძიმეს მდგომარეობაში შემოიყვანეს ჩვენთან, სადაც ერთი დღის შემდეგ გარდაიცვალა", - გვითხრეს კლინიკის პრესსამსახურში.
სამცხე-ჯავახეთში დაავადების კერად ასპინძის მუნიციპალიტეტი ითვლება. ყირიმ-კონგოს დიაგნოზით დაბაში, გასული წლის სექტემბერში, 30 წლის მამაკაცი გარდაიცვალა. ინფექცია დაფიქსირდა ადიგენის მუნიციპალიტეტშიც. შუა ხნის მამაკაცი თბილსში, რეანიმაციულ განყოფილებაში ამ დრომდე მკურნალობს.
ყირიმ-კონგოს ჰემორაგიული ცხელება მძიმე ვირუსული ინფექციაა, რომელიც ადამიანებზე ტკიპების ნაკბენით ვრცელდება. მისი ძირითადი გადამტანები მინდვრის თაგვები და ტკიპები არიან. ტკიპამ ჯერ უნდა უკბინოს დაავადებულ მღრღნელს, რომელიც ინფექციის ძირითადი რეზერვუარია და შემდეგ - ადამიანს.
ამავე თემაზე:
„გვიან თქვა, რომ შეუძლოდ გრძნობდა თავს. სისხლი მოეწამლა, მთელმა სოფელმა გადაუსხა, მაგრამ ვერ გადარჩა. ექიმებმა თქვეს, დაგვიანებული იყოო. სანამ თბილისში წაიყვანდნენ, ახალქალაქის კლინიკაში იყო. ფილტვების ანთებაზე მკურნალობდნენ. 23 აპრილს ოქროს დაბადების დღე ჰქონდა, 24-ში დილით გარდაიცვალა“, - გვიყვება ახლობელი.
ახალქალაქის კლინიკაში გვითხრეს, რომ პაციენტი შეყვანიდან რამდენიმე საათში თბილისში გაწერეს. ახალქალაქის კლინიკაში გვითხრეს, რომ პაციენტმა მათთან რამდენიმე საათი დაჰყო.
„შემოყვანისთანავე დაუდგინდა სისხლის მოწამვლა. მაშინვე გამოიძახეს რეფერალური დახმარება, რადგან შინაგანი სისხლდენა იყო და ვერ უჩერებდნენ. პირდაპირ წაიყვანეს თბილისში. ფილტვების ანთებაზე მკურნალობა ჩვენთან არ მომხდარა“.
ბოჭორიშვილის კლინიკაში ამბობენ, რომ პაციენტი მათთან უმძიმესი მდგომარეობით შეიყვანეს.
"როგორც ვიცი, ყირიმ-კონგო ლაბორატორიულად რეგიონშივე დაუდასტურდა, საიდანაც ქართულ-გერმანულ კლინიკაში გადაიყვანეს. აპარატზე მიერთებული, უმძიმეს მდგომარეობაში შემოიყვანეს ჩვენთან, სადაც ერთი დღის შემდეგ გარდაიცვალა", - გვითხრეს კლინიკის პრესსამსახურში.
სამცხე-ჯავახეთში დაავადების კერად ასპინძის მუნიციპალიტეტი ითვლება. ყირიმ-კონგოს დიაგნოზით დაბაში, გასული წლის სექტემბერში, 30 წლის მამაკაცი გარდაიცვალა. ინფექცია დაფიქსირდა ადიგენის მუნიციპალიტეტშიც. შუა ხნის მამაკაცი თბილსში, რეანიმაციულ განყოფილებაში ამ დრომდე მკურნალობს.
ყირიმ-კონგოს ჰემორაგიული ცხელება მძიმე ვირუსული ინფექციაა, რომელიც ადამიანებზე ტკიპების ნაკბენით ვრცელდება. მისი ძირითადი გადამტანები მინდვრის თაგვები და ტკიპები არიან. ტკიპამ ჯერ უნდა უკბინოს დაავადებულ მღრღნელს, რომელიც ინფექციის ძირითადი რეზერვუარია და შემდეგ - ადამიანს.
ამავე თემაზე: