ჯანდაცვა
რომელ ქალაქებში დაიწყება ვაქცინაცია 15 მარტიდან
10:42 / 14.03.2021
დაავადებათა კონტროლის ცენტრის ინფორმაციით, ამ ეტაპზე, ვაქცინაციისთვის მზად არის 82 ამცრელი ცენტრი. 15 მარტიდან ვაქცინაცია დაიწყება 29 ცენტრში - თბილისსა და ყველა რეგიონულ ცენტრში გამოყოფილია ამცრელი კაბინეტები.
დაავადებათა კონტროლის ცენტრის ხელმძღვანელის, ამირან გამყრელიძის განცხადებით, შერჩეულ ცენტრებს იმუნიზაციის პროცესში მონაწილეობის დიდი გამოცდილება აქვთ.
„თბილისში იქნება 10, ქუთაისსა და ბათუმში 4-4, რუსთავსა და ზუგდიდში 2-2, დანარჩენ რეგიონულ ცენტრებში კი თითო ასეთი ცენტრი იქნება. 17 მარტს ამას დაემატება კიდევ 35 დაწესებულება, 19 მარტი კი კიდევ 23 დაწესებულება. ერთი კვირის შემდეგ, ვაქცინაციის პროცესი გაიშლება ქვეყნის ყველა მუნიციპალურ ცენტრში. გეოგრაფიული ხელმისაწვდომობა იქნება მაქსიმალური, რათა შემოსული დოზები მოკლე ვადებში ავითვისოთ. იცით, რომ ვაქცინაცია კეთდება ორჯერადად, მეორე აცრა კეთდება 8-12 კვირის ვადაში და ამისთვის აპრილის მეორე ნახევარში AstraZeneca-ს დამატებითი პარტია შემოვა“, - განაცხადა გამყრელიძემ.
მისივე განცხადებით, მედპერსონალის შემდეგი ვაქცინაციის სამიზნე ჯგუფი იქნება მოხუცთა სახლებში მყოფი ხანდაზმულები და მათი მომვლელი პერსონალი, მესამე პრიორიტეტული ჯგუფი კი 75 წელს გადაცილებული მოსახლეობა იქნება.
AstraZeneca/Oxford-ის ვაქცინის 43 200 დოზა დაავადებათა კონტროლის ცენტრში 13 მარტს მიიღეს და სპეციალურ მაცივრებში დააბინავეს. ვაქცინაციის პროცესს მონიტორინგს დაავადებათა კონტროლის ცენტრი გაუწევს. ყველა აცრილ ადამიანს იმუნიზაციის ორენოვანი ცნობა გადაეცემა.
დაავადებათა კონტროლის ცენტრის ხელმძღვანელის, ამირან გამყრელიძის განცხადებით, შერჩეულ ცენტრებს იმუნიზაციის პროცესში მონაწილეობის დიდი გამოცდილება აქვთ.
„თბილისში იქნება 10, ქუთაისსა და ბათუმში 4-4, რუსთავსა და ზუგდიდში 2-2, დანარჩენ რეგიონულ ცენტრებში კი თითო ასეთი ცენტრი იქნება. 17 მარტს ამას დაემატება კიდევ 35 დაწესებულება, 19 მარტი კი კიდევ 23 დაწესებულება. ერთი კვირის შემდეგ, ვაქცინაციის პროცესი გაიშლება ქვეყნის ყველა მუნიციპალურ ცენტრში. გეოგრაფიული ხელმისაწვდომობა იქნება მაქსიმალური, რათა შემოსული დოზები მოკლე ვადებში ავითვისოთ. იცით, რომ ვაქცინაცია კეთდება ორჯერადად, მეორე აცრა კეთდება 8-12 კვირის ვადაში და ამისთვის აპრილის მეორე ნახევარში AstraZeneca-ს დამატებითი პარტია შემოვა“, - განაცხადა გამყრელიძემ.
მისივე განცხადებით, მედპერსონალის შემდეგი ვაქცინაციის სამიზნე ჯგუფი იქნება მოხუცთა სახლებში მყოფი ხანდაზმულები და მათი მომვლელი პერსონალი, მესამე პრიორიტეტული ჯგუფი კი 75 წელს გადაცილებული მოსახლეობა იქნება.
AstraZeneca/Oxford-ის ვაქცინის 43 200 დოზა დაავადებათა კონტროლის ცენტრში 13 მარტს მიიღეს და სპეციალურ მაცივრებში დააბინავეს. ვაქცინაციის პროცესს მონიტორინგს დაავადებათა კონტროლის ცენტრი გაუწევს. ყველა აცრილ ადამიანს იმუნიზაციის ორენოვანი ცნობა გადაეცემა.