ჯანდაცვა
ვაქცინაციის შედეგად თრომბის წარმოქნის გაზრდილი რისკის შესახებ მტკიცებულება არ არსებობს - AstraZeneca
10:36 / 15.03.2021
კომპანია AstraZeneca აცხადებს, რომ მის მიერ შექმნილი კოვიდ 19-ის საწინააღმდეგო ვაქცინით ვაქცინირებული ადამიანების უსაფრთხოებასთან დაკავშირებული მონაცემების განხილვის შედეგად თრომბის წარმოქნის გაზრდილი რისკის შესახებ მტკიცებულება არ გამოვლენილა.
”ევროკავშირსა და გაერთიანებულ სამეფოში AstraZeneca-ს ვაქცინით აცრილი 17 მილიონზე მეტი ადამიანის უსაფრთხოების შესახებ არსებული მონაცემების ყურადღებით განხილვამ აჩვენა, რომ ფილტვის ემბოლიის, ღრმა ვენების თრომბოზის ან თრომბოციტოპენიის გაზრდილი რისკი არ არსებობს”, - აცხადებენ კომპანიაში.
მათივე განმარტებით, კომპანია და ევროპის ჯანდაცვის ორგანოები ვაქცინის დამატებით შემოწმებას ახორციელებენ და არც ერთი ხელახალი ტესტირების შედეგად შეშფოთების მიზეზი არ წარმოქმნილა. ამასთან, AstraZeneca-ს ინფორმაციით, უსაფრთხოებასთან დაკავშირებული ყოველთვიური ანგარიში ევროპის მედიკამენტების სააგენტოს ვებ-გვერდზე მიმდინარე კვირაში გამოქვეყნდება.
შეგახსენებთ, ირლანდიის, დანიის, ნორვეგიის, ისლანდიის და ნიდერლანდების ხელისუფლებამ AstraZeneca-ს ვაქცინის გამოყენება რამდენიმე ვაქცინირებულ ადამიანში სისხლის შედედების პრობლემების წარმოქნის გამო შეაჩერა, გასულ კვირას კი ავსტრიამ AstraZeneca-ს კონკრეტული პარტიის დოზების გამოყენება შეწყვიტა.
ევროპის მედიკამენტების სააგენტოს განმარტებით, არ არსებობს იმის ნიშანი, რომ სისხლის შედედების პრობლემები ვაქცინაციის შედეგად წარმოიქმნა. იგივე მოსაზრება გააჟღერა ჯანდაცვის მსოფლიო ორგანიზაციამაც.
”ევროკავშირსა და გაერთიანებულ სამეფოში AstraZeneca-ს ვაქცინით აცრილი 17 მილიონზე მეტი ადამიანის უსაფრთხოების შესახებ არსებული მონაცემების ყურადღებით განხილვამ აჩვენა, რომ ფილტვის ემბოლიის, ღრმა ვენების თრომბოზის ან თრომბოციტოპენიის გაზრდილი რისკი არ არსებობს”, - აცხადებენ კომპანიაში.
მათივე განმარტებით, კომპანია და ევროპის ჯანდაცვის ორგანოები ვაქცინის დამატებით შემოწმებას ახორციელებენ და არც ერთი ხელახალი ტესტირების შედეგად შეშფოთების მიზეზი არ წარმოქმნილა. ამასთან, AstraZeneca-ს ინფორმაციით, უსაფრთხოებასთან დაკავშირებული ყოველთვიური ანგარიში ევროპის მედიკამენტების სააგენტოს ვებ-გვერდზე მიმდინარე კვირაში გამოქვეყნდება.
შეგახსენებთ, ირლანდიის, დანიის, ნორვეგიის, ისლანდიის და ნიდერლანდების ხელისუფლებამ AstraZeneca-ს ვაქცინის გამოყენება რამდენიმე ვაქცინირებულ ადამიანში სისხლის შედედების პრობლემების წარმოქნის გამო შეაჩერა, გასულ კვირას კი ავსტრიამ AstraZeneca-ს კონკრეტული პარტიის დოზების გამოყენება შეწყვიტა.
ევროპის მედიკამენტების სააგენტოს განმარტებით, არ არსებობს იმის ნიშანი, რომ სისხლის შედედების პრობლემები ვაქცინაციის შედეგად წარმოიქმნა. იგივე მოსაზრება გააჟღერა ჯანდაცვის მსოფლიო ორგანიზაციამაც.