კულტურა
ცეკვით შეპყრობილები
თეთრი, პრიალა მაისურები რიტმულად ირხევა პატარების ტანზე. შაკირას სიმღერის ფონზე მასწავლებლის ტაშის ხმა და შეძახილი ისმის „მხრები გაასწორე“, „გაიღიმე“. ოთხში შვიდ წლამდე ბავშვები დიდი სარკის წინ ვარჯიშობენ და პერიოდულად წყვილებად ლაგდებიან. ეს ანსამბლ „სიხარულის“ პატარების ჯგუფია. დღის განმავლობაში, დარბაზში იცვლება მუსიკა, მოცეკვეები - ასაკის მიხედვით, მოყვარულთა და პროფესიონალთა ჯგუფები, მაგრამ უცვლელიერთი რამ არის -ყველა ცეკვით არის შეპყრობილი.

შვიდი წლის ბარბარე უკვე შვიდი მედლის მფლობელია. საერთაშორისო შეჯიბრებებზე ორგზის პირველი ადგილის მფლობელმა სტუდიის კარი სამი წლის ასაკში შეაღო. როცა ცეკვავს, თვალები უბრწყინავს განსაკუთრებით, ჩა-ჩა-ჩას რიტმზე.

„ცეკვა დიდ სიხარულს მანიჭებს. პირველი, რასაც დარბაზში მოსვლისთანავე ვაკეთებთ, ვარჯიშია“, - გვიყვება ბარბარე ბერიძე.

ვიწრო ოთახში ძელთან ვარჯიშობენ. გაჭიმვებს ჯგუფი ერთდროულად ვერ აკეთებს, ვერ ეტევიან. დარბაზი არაერთხელშეიცვალეს, თუმცა ფართი არასდროს ჰყოფნიდათ.სივიწროვეში დადგმული ცეკვებით მაინც ბევრი დააინტერესეს და ბევრსაც მიაღწიეს. თანამედროვე ცეკვებს სტუდიაში 50 ბავშვი თუ ზრდასრული ეუფლება.

ახალციხეში სამეჯლისო ცეკვა ელდარ გელაშვილთან ასოცირდება. 38 წლის განმავლობაში მან მოცეკვავეების არაერთი თაობა აღზარდა. ნათია ფრცქიალაძე მათ შორის იყო.

„ჩემთვის ცეკვა არის ყველაფერი“, -გვეუბნება ნათია, რომელიც უკვე ათწლეულებია ელდარ მასწავლებელთან ერთად ცეკვას ასწავლის.



ახალციხეში მუსიკალური ათწლედის დასრულების შემდეგ, ნათიამ მუსიკის მასწავლებლობა სცადა. რამდენიმე წელი მუსიკალურ სკოლაში იმუშავა კიდეც, მაგრამ მალევე მიხვდა, რომ პროფესიის არჩევაში შეცდა. თბილისის ქორეოგრაფიულ სასწავლებელში ცეკვის შესწავლა გააგრძელა, პარალელურად სტუდია „სიხარულის“ ასისტენტად მუშაობდა. მას შემდეგ, რაც მშობლიურ ქალაქშიდაბრუნდა და მასწავლებელთან ერთად ანსამბლის ხელმძღვანელობა ითავა, მათი წარმატების ისტორია გამდიდრდა.

„ეს თასები არის ძალიან დიდი ძალისხმევით და შრომით მოპოვებული, როგორც საზღვარგარეთ, ისე საქართველოში. ყველაზე მნიშვნელოვანი ჯილდო იყო „ბათუმი 2018-ის“ გრან პრი, რომელიც საერთაშორისო ტურნირზე მოიპოვეს ანსამბლის წევრებმა“.

„მეტი წარმატებული ათლეტი“ სტუდიის უახლოესი მომავლის გეგმაა. ნათია არც თავად წყვეტს განვითარებას. მუდმივად ესწრება უცხოელების მასტერკლასებს საქართველოში და საზღვარგარეთ, არ ტოვებს სამეჯლისო ცეკვების სემინარებსა და ლექციებს. იმედი აქვს, მალე საერთაშორისო კატეგორიის მსაჯის სტატუსს მოიპოვებს.

„ახლად რომ ვირჩევდე სპეციალობას, დაუფიქრებლად ამ სფეროს ავირჩევდი. ცეკვის გარეშე ცხოვრება წარმოუდგენლად მეჩვენება“, ამბობს ნათია, რომელიც თავისი დიდი თუ პატარა მოცეკვავეებით ამაყობს.

ათი თასი, ოცდაცამეტი მედალი, ასზე მეტი დიპლომი და სერთიფიკატი, - ეს ერთი მოცეკვავე გოგონას მონაპოვარია. ბაია დევაძეს ცეკვა არასოდეს ბეზრდება. მალე სკოლას ამთავრებს, მაგრამ ვერ წარმოუდგენია, რომ შეიძლება მის ცხოვრებაში „სიხარულიც“ დასრულდეს.

„ეს ისეთი სპორტია, თუ დაიწყე, ბოლომდე უნდა გაყვე. თანდათანობით ცეკვა ჩემში მთლიანად შემოდიოდა და ძალიან მალე ის ჩემი ცხოვრების ნაწილი გახდა. ვფიქრობ, მომავალში დიდ როლს ითამაშებს სამეჯლისო ცეკვა ჩემს ცხოვრებაში.დიდი სურვილი მაქვს გავხდე ძალიან ცნობილი მოცეკვავე“.

ბაიას გაუმართლა, მეწყვილე ჰყავს, თუმცა სტუდიაში ყველა გოგო ბიჭთან ერთად არ ცეკვავს.



სიმონ აბრამიანი იმ რვა ბიჭს შორის არის, ვინც სტერეოტიპებს არ შეუშინდა და სხვა „ბიჭურ“ გართობას ცეკვა არჩია. გრან-პრის, ორი პირველი ადგილის და სხვა ჯილდოების მფლობელი კიდევ ბევრ კონკურსში მონაწილეობას გეგმავს.

„ძალიან მინდა მომავალში კარგად ვიცეკვო,ბევრი მედალი ავიღო და დიდ წარმატებას მივაღწიო“, -ამბობს სიმონი.

თასებს სტუდიაში აგროვებენ. ზედ იმ ქვეყნის დროშას აკრავენ, სადაც ცეცხლოვანი თუ გრაციოზული ცეკვისთვის ჯილდოს იღებენ. თაროზე სივიწროვეა. „სიხარულის“ წევრები დარწმუნებულები არიან, რომ წარმატების კუთხის გაფართოებაც მოუწევთ და ასპარეზის არეალისაც.
Facebook Twitter
სხვა სიახლეები
პარტნიორი მედიასაშუალებების მასალები
ამინდი
ახალციხე 21 °C
img
ახალქალაქი 19 °C
img
ასპინძა 22 °C
img
ადიგენი 23 °C
img
ბორჯომი 24 °C
img
თბილისი 28 °C
img
აბასთუმანი 18 °C
img
ბაკურიანი 17 °C
img
ნინოწმინდა 19 °C
img
ვალუტა
EUR
EUR
1
3.2434
RUB
RUB
100
4.3709
TRY
TRY
1
0.5229
USD
USD
1
2.9225
AMD
AMD
1000
6.1462
კალენდარი
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს "საქართველოს ღია საზოგადოების ფონდის" პოზიციას. შესაბამისად, ფონდი არ არის პასუხისმგებელი მასალის შინაარსზე.