ქალაქის დღესასწაულზე საპატიო ახალციხელები გამოავლინეს
17:47 / 30.06.2021
ახალციხელობის დღესასწაულზე 2020 და 2021 წლის საპატიო მოქალაქეები გამოავლინეს. რვა პირი ადგილობრივი ხელისუფლების წარმომადგენლებმა ახალციხის ციხეზე დააჯილდოვეს.
2020 წლის საპატიო ახალციხელები არიან:
ანზორ თამარაშვილი - მუსიკოსი, ხელოვნებათმცოდნე, ლოტბარი; ჰაიკ ბალასანიანი - მესაათე; ამირან ბლუაშვილი - მეეზოვე; ოლღა ივანიძე - შალვა ახალციხელის სახელობის ტაძრის აღმშენებელი.
2021 წლის საპატიო ახალციხელები:
მეუფე საბა გიგიბერია - ხონისა და სამტრედიის ეპარქიის მიტროპოლიტი; ტიგრან მელქონიანი - საკრებულოს წევრი; ზაზა თამარაშვილი - ფოლკლორულ ანსამბლ "მესხეთის" ხელმძღვანელი, ლოტბარი; ამირან გოგოლაძე - MMA-ს მებრძოლი;
საპატიო ახალციხელები სპეციალურმა კომისიამ შეარჩია.