სამცხე-ჯავახეთის სახელმწიფო უნივერსიტეტმა ვანო სარაჯიშვილის სახელობის კონსერვატორიას უმასპინძლა.
უმაღლესი სასწავლებლის სააქტო დარბაზში ვოკალური კათედრის სტუდენტთა მონაწილეობით 20-მდე არია შესრულდა.
ღონისძიებას ორგანიზება სახალხო არტისტმა, პროფესორმა თეიმურაზ გუგუშვილმა გაუწია.
ვოკალური მუსიკის საღამოს უნივერსიტეტის პროფესორ-მასწავლებლები, სტუდენტები და მიწვეული სტუმრები დაესწრნენ.
ღონისძიება თეიმურაზ გუგუშვილმა დაასრულა, რომელმაც ფალიაშვილის ოპერიდან "აბესალომ და ეთერი" აბესალომის არია შეასრულა.