მედია
გიორგი გაბუნიას მონოლოგს პოლიტიკოსები და მედიაექსპერტები ეხმაურებიან
11:18 / 08.07.2019
საქართველოს ხელისუფლების უმაღლესი თანამდებობის პირებმა „რუსთავი 2“-ის ტელეწამყვანის, გიორგი გაბუნიას განცხადებას უწოდეს „პროვოკაცია საკუთარი ქვეყნის წინააღმდეგ“ და თქვეს, რომ ამას „რეაგირების გარეშე“ არ დატოვებენ.
„დაუშვებელია “პატრიოტიზმით” შენიღბული ამ მასშტაბის პროვოკაცია მკაცრი რეაგირების გარეშე დავტოვოთ”, - განაცხადა კახა კალაძემ.
საქართველოს საგარეო საქმეთა სამინისტრო, „რუსთავი2“-ის გადაცემა „პოსტკრიპტუმის“ წამყვანის, გიორგი გაბუნიას განცხადებაზე, საერთაშორისო საზოგადოებას რეაგირებისკენ მოუწოდებს.
"მას არაფერი აქვს საერთო სიტყვის თავისუფლებასთან და წარმოადგენს სუფთა წყლის პროვოკაციას, რომელიც მიმართულია საქართველო-რუსეთის ურთიერთობებში არსებული ისედაც რთული ვითარების კიდევ უფრო დაძაბვისაკენ“, - წერია განცხადებაში.
შვიდ ივლისს, „რუსთავი 2“-ის გადაცემა „პოსკრიპტუმის“ წამყვანმა, გიორგი გაბუნიამ თავისი გადაცემა რუსულ ენაზე, რუსეთის პრეზიდენტის, ვლადიმერ პუტინის გინებით დაიწყო. ტელეწამყვანმა თავის მიმართვაში გინებით მოიხსენია რუსეთის პრეზიდენტის გარდაცვლილი მშობლებიც.
ჟურნალისტის ამ მონოლოგს საზოგადოების მკვეთრად უარყოფითი რეაქცია მოჰყვა. მოქალაქეები ტელეკომპანიის შენობასთან შეიკრიბნენ და გიორგი გაბუნიასთან ერთად, არხის გენერალური დირექტორის გადადგომას ითხოვდნენ.
გიორგი გაბუნიას გაემიჯნა არხის გენერალური დირექტორი ნიკა გვარამია. „არ ვაპირებ პუტინის გინების გამო ბოდიშის მოხდას, თუმცა მიუღებელია ამგვარი ფორმით თვითგამოხატვა და ეს არ არის არხის დამოკიდებულება”.
პირდაპირ ეთერში ვლადიმერ პუტინის რუსულ ენაზე გინებას ტვიტერზე გამოეხმაურა საქართველოს პრემიერ-მინისტრი მამუკა ბახტაძე.
"არაფერია თუ არა პროვოკაციის ამაზრზენი აქტი და ქვეყნის დესტაბილიზაციის მსცდელობა. ის, რაც აბსოლუტურად დაუშვებელია” – წერს პრემიერ-მინისტრი.
განცხადება გაავრცელა საქართველოს ჟურნალისტური ეთიკის ქარტიამ.
“რუსეთის პრეზიდენტის მიმართ გაკეთებული არაეთიკური განცხადებები ზიანს აყენებს არა მხოლოდ “რუსთავი 2-ს”, არამედ ქართულ ეთიკურ მედიას, ხელს უწყობს მედიისა და ჟურნალისტების მიმართ ნდობისა და პატივისცემის შემცირებას, სიძულვილის ენის ტირაჟირებას, აზიანებს ქვეყანაში დემოკრატიული პრინციპების დამკვიდრებსა და განვითარებას. სწორედ პასუხისმგებლიანი და ეთიკური მედიაა მთავარი იარაღი სიტყვისა და გამოხატვის თავისუფლების შენარჩუნებისთვის ბრძოლაში”, – ნათქვამია განცხადებაში.
პირდაპირ ეთერში პუტინის გინებას პრეზიდენტი სალომე ზურაბიშვილიც გამოეხმაურა.
„პატრიოტიზმი სხვა რამ არის და ქვეყნის ინტერესების დაცვა აგრესიით, დესტაბილიზაციით და არეულობით არ ხდება. ჩვენი გზა მშვიდობიანი გზა არის, ჩვენი პერსპექტივა ევროპა, ჩვენი ძალა კი სტაბილურობა...
საქართველოსთვის რაც უკადრებელია, ის იკადრა! სახელმწიფოს ინტერესების დაზიანება ამას ჰქვია!”, – პრეზიდენტის ამ განცხადებას მისი პრესსამსახური ავრცელებს.
მომხდარს გამოეხმაურა საქართველოს პარლამენტის თავმჯდომარეც.
“რაც დღეს რუსთავი 2-ის ეთერში მოვისმინეთ, არის პირდაპირი პროვოკაცია საკუთარი ქვეყნის და ხალხის წინააღმდეგ. კითხვები აღარ არსებობს, რომ ეს პოლიტიკური ჯგუფი საქართველოს წინააღმდეგ მოქმედებს”, – წერს არჩილ თალაკვაძე ფეისბუქზე.
განცხადება გაავრცელა ტელეკომპანიამაც.
„ბოდიშს ვუხდით მაყურებელს მომხდარი ფაქტის გამო. მივიჩნევთ, რომ ნებისმიერ ვითარებაში, ნებისმიერი ფასეულობის დასაცავად ჟურნალისტმა, თუნდაც საკუთარ საავტორო გადაცემაში, საავტორო პოზიციის დაფიქსირების დროს, უნდა დაიცვას არხის სარედაქციო პოლიტიკა და მაღალრეიტინგული ეთერისთვის შესაბამისი ეთიკური მოთხოვნები. გამოხატვის ფორმა, მათ შორის მწვავე და პროვოკაციული, დასაშვებია მხოლოდ იმ ვითარებაში, როდესაც ჯდება არხის მიერ განსაზღვრულ და ზოგადად საზოგადოებაში დადგენილ ეთიკურობის ფარგლებში“, - წერია განცხადებაში.
მომხდარს გამოეხმაურა ჟურნალისტი ზვიად ქორიძე.
"მიმაჩნია, რომ გაბუნიას რეპლიკა იყო უხამსი. ცუდია, როდესაც მედიასაშუალება სარედაქციო პოლიტიკის ფორმირებისას უარს არ ამბობს უხამსობაზე. ამაზე მუდმივად შეგვიძლია ვიკამათოთ, თუმცა ეს საკითხი ვერაფრით გასცდება თვითრეგულირების სფეროს.
მიმაჩნია, რომ ხელისუფლებამ პოლიტიკური სასაუბროდან უნდა ამოაგდოს გამოხატვის თავისუფლების შემზღუდავი ზომების ჩამონათვალი. რამდენადაც ხშირად ვიტყვით, რომ “აიკრძალოს რუსთავი-2”, “აეკრძალოს გაბუნიას სატელევიზიო ეთერში ყოფნა” და მსგავსი განცხადებები, მით მალე დავემსგავსებით ისეთ არადემოკრატიულ ქვეყნებს, როგორც თავად რუსეთია.
მიმაჩნია, რომ ამ წუთებში საქართველოს ხელისუფლების წარმომადგენელთა ოფიციალური განცხადებები არანაკლებ პროვოკაციულ და საზოგადოების დემორალიზების ხასიათს ატარებს, ვიდრე გიორგი გაბუნიას უხამსი რეპლიკა", - წერს ზვიად ქორიძე.
„დაუშვებელია “პატრიოტიზმით” შენიღბული ამ მასშტაბის პროვოკაცია მკაცრი რეაგირების გარეშე დავტოვოთ”, - განაცხადა კახა კალაძემ.
საქართველოს საგარეო საქმეთა სამინისტრო, „რუსთავი2“-ის გადაცემა „პოსტკრიპტუმის“ წამყვანის, გიორგი გაბუნიას განცხადებაზე, საერთაშორისო საზოგადოებას რეაგირებისკენ მოუწოდებს.
"მას არაფერი აქვს საერთო სიტყვის თავისუფლებასთან და წარმოადგენს სუფთა წყლის პროვოკაციას, რომელიც მიმართულია საქართველო-რუსეთის ურთიერთობებში არსებული ისედაც რთული ვითარების კიდევ უფრო დაძაბვისაკენ“, - წერია განცხადებაში.
შვიდ ივლისს, „რუსთავი 2“-ის გადაცემა „პოსკრიპტუმის“ წამყვანმა, გიორგი გაბუნიამ თავისი გადაცემა რუსულ ენაზე, რუსეთის პრეზიდენტის, ვლადიმერ პუტინის გინებით დაიწყო. ტელეწამყვანმა თავის მიმართვაში გინებით მოიხსენია რუსეთის პრეზიდენტის გარდაცვლილი მშობლებიც.
ჟურნალისტის ამ მონოლოგს საზოგადოების მკვეთრად უარყოფითი რეაქცია მოჰყვა. მოქალაქეები ტელეკომპანიის შენობასთან შეიკრიბნენ და გიორგი გაბუნიასთან ერთად, არხის გენერალური დირექტორის გადადგომას ითხოვდნენ.
გიორგი გაბუნიას გაემიჯნა არხის გენერალური დირექტორი ნიკა გვარამია. „არ ვაპირებ პუტინის გინების გამო ბოდიშის მოხდას, თუმცა მიუღებელია ამგვარი ფორმით თვითგამოხატვა და ეს არ არის არხის დამოკიდებულება”.
პირდაპირ ეთერში ვლადიმერ პუტინის რუსულ ენაზე გინებას ტვიტერზე გამოეხმაურა საქართველოს პრემიერ-მინისტრი მამუკა ბახტაძე.
"არაფერია თუ არა პროვოკაციის ამაზრზენი აქტი და ქვეყნის დესტაბილიზაციის მსცდელობა. ის, რაც აბსოლუტურად დაუშვებელია” – წერს პრემიერ-მინისტრი.
განცხადება გაავრცელა საქართველოს ჟურნალისტური ეთიკის ქარტიამ.
“რუსეთის პრეზიდენტის მიმართ გაკეთებული არაეთიკური განცხადებები ზიანს აყენებს არა მხოლოდ “რუსთავი 2-ს”, არამედ ქართულ ეთიკურ მედიას, ხელს უწყობს მედიისა და ჟურნალისტების მიმართ ნდობისა და პატივისცემის შემცირებას, სიძულვილის ენის ტირაჟირებას, აზიანებს ქვეყანაში დემოკრატიული პრინციპების დამკვიდრებსა და განვითარებას. სწორედ პასუხისმგებლიანი და ეთიკური მედიაა მთავარი იარაღი სიტყვისა და გამოხატვის თავისუფლების შენარჩუნებისთვის ბრძოლაში”, – ნათქვამია განცხადებაში.
პირდაპირ ეთერში პუტინის გინებას პრეზიდენტი სალომე ზურაბიშვილიც გამოეხმაურა.
„პატრიოტიზმი სხვა რამ არის და ქვეყნის ინტერესების დაცვა აგრესიით, დესტაბილიზაციით და არეულობით არ ხდება. ჩვენი გზა მშვიდობიანი გზა არის, ჩვენი პერსპექტივა ევროპა, ჩვენი ძალა კი სტაბილურობა...
საქართველოსთვის რაც უკადრებელია, ის იკადრა! სახელმწიფოს ინტერესების დაზიანება ამას ჰქვია!”, – პრეზიდენტის ამ განცხადებას მისი პრესსამსახური ავრცელებს.
მომხდარს გამოეხმაურა საქართველოს პარლამენტის თავმჯდომარეც.
“რაც დღეს რუსთავი 2-ის ეთერში მოვისმინეთ, არის პირდაპირი პროვოკაცია საკუთარი ქვეყნის და ხალხის წინააღმდეგ. კითხვები აღარ არსებობს, რომ ეს პოლიტიკური ჯგუფი საქართველოს წინააღმდეგ მოქმედებს”, – წერს არჩილ თალაკვაძე ფეისბუქზე.
განცხადება გაავრცელა ტელეკომპანიამაც.
„ბოდიშს ვუხდით მაყურებელს მომხდარი ფაქტის გამო. მივიჩნევთ, რომ ნებისმიერ ვითარებაში, ნებისმიერი ფასეულობის დასაცავად ჟურნალისტმა, თუნდაც საკუთარ საავტორო გადაცემაში, საავტორო პოზიციის დაფიქსირების დროს, უნდა დაიცვას არხის სარედაქციო პოლიტიკა და მაღალრეიტინგული ეთერისთვის შესაბამისი ეთიკური მოთხოვნები. გამოხატვის ფორმა, მათ შორის მწვავე და პროვოკაციული, დასაშვებია მხოლოდ იმ ვითარებაში, როდესაც ჯდება არხის მიერ განსაზღვრულ და ზოგადად საზოგადოებაში დადგენილ ეთიკურობის ფარგლებში“, - წერია განცხადებაში.
მომხდარს გამოეხმაურა ჟურნალისტი ზვიად ქორიძე.
"მიმაჩნია, რომ გაბუნიას რეპლიკა იყო უხამსი. ცუდია, როდესაც მედიასაშუალება სარედაქციო პოლიტიკის ფორმირებისას უარს არ ამბობს უხამსობაზე. ამაზე მუდმივად შეგვიძლია ვიკამათოთ, თუმცა ეს საკითხი ვერაფრით გასცდება თვითრეგულირების სფეროს.
მიმაჩნია, რომ ხელისუფლებამ პოლიტიკური სასაუბროდან უნდა ამოაგდოს გამოხატვის თავისუფლების შემზღუდავი ზომების ჩამონათვალი. რამდენადაც ხშირად ვიტყვით, რომ “აიკრძალოს რუსთავი-2”, “აეკრძალოს გაბუნიას სატელევიზიო ეთერში ყოფნა” და მსგავსი განცხადებები, მით მალე დავემსგავსებით ისეთ არადემოკრატიულ ქვეყნებს, როგორც თავად რუსეთია.
მიმაჩნია, რომ ამ წუთებში საქართველოს ხელისუფლების წარმომადგენელთა ოფიციალური განცხადებები არანაკლებ პროვოკაციულ და საზოგადოების დემორალიზების ხასიათს ატარებს, ვიდრე გიორგი გაბუნიას უხამსი რეპლიკა", - წერს ზვიად ქორიძე.